- Эки ойлашыб, бир сёлешген.
- Кёл ашады да, кеси ашады.
- Байны оноуу, джарлыгъа джарамаз.
- Бетинги сатма, малынгы сат.
- Ашда уялгъан – мухар, ишде уялгъан – хомух.
- Ата джурт – алтын бешик.
- Тойгъан джерден туугъан джер игиди.
- Эшекге миннген – биринчи айыб, андан джыгъылгъан – экинчи айыб.
- Бети бедерден, намыс сакълама.
- Джарлыны тону джаз битер.
- Къонакъ аз олтурур, кёб сынар.
- От кюйдюрген, сау болса да, тот кюйдюрген, сау болмаз.
- Сыфатында болмагъаны, суратында болмаз.
- Борчунг бар эсе, хурджунунга ойлаб узал.
- Ана къолу ачытмаз.
- Сёз къанатсыз учар.
- Тил джюрекге джол ишлейди.
- Ишленмеген джаш – джюгенсиз ат, ишленмеген къыз – тузсуз хант.
- Игиге айтсанг – билир, аманнга айтсанг – кюлюр.
- Бермеген къол, алмайды.
- Кёб ант этген, кёб ётюрюк айтыр.
- Арбаз къынгырды да, ийнек сауалмайма.
- Джашлыкъ этмеген, башлыкъ этмез.
- Адамны аты башхача, акъылы да башхады.
- Элиб деген, элге болушур.
- Къазанда болса, чолпугъа чыгъар.
- Байлыкъ адамны сокъур этер.
- Келинин тута билмеген, къул этер, къызын тута билмеген, тул этер.
- Абынмазлыкъ аякъ джокъ, джангылмазлыкъ джаякъ джокъ.
- Айтылгъан сёз ызына къайтмаз.
- Ашатыргъа иш – ашхы, ишлетирге аш – ашхы.
- Билгенни къолу къарны джандырыр.
- Башынга джетмегенни сорма.
- Ёлген аслан – сау чычхан.
- Намыс болмагъан джерде, насыб болмаз.
- Байны къызы баймакъ болса да, юйде къалмаз!
- Узун джолну барсанг, бюгюн келирсе, къысха джолну барсанг, тамбла келирсе.
- Къазанны башы ачыкъ болса, итге уят керекди.
- Ёпкелегенни ашы татлы болады.
- Ханнга да келеди хариблик.
- Насыблы элин сюер, насыбсыз кесин сюер.
- Ашхы адам – халкъ байлыгъы, ашхы джер – джашау байлыгъы.
- Ашхы сёз таш тешер.
- Ойнай-ойнай кёз чыгъар.
- Туз, гырджын аша, тюзлюк бла джаша.
- Ата Джуртча джер болмаз, туугъан элча эл болмаз.
- Тилчи бир сагъатха айлыкъ хата этер.
- Кёл – къызбай, къол – батыр.
- Къызгъанчдан ычхыныр, мухардан ычхынмаз.
- Джангыз торгъай джырламаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72