- Ханы къызы буюгъа-буюгъа киштик болду.
- Кёбге таш атма.
- Къарын къуру болса, джюрек уру болур.
- Ариу сёз – къылычдан джити.
- Чабакъсыз кёлге къармакъ салгъанлыкъгъа, чабакъ тутмазса.
- Сабыр джетер муратха, сабырсыз къалыр уятха.
- Ауругъан – джашаудан умутчу.
- Окъдан джара эртде-кеч болса да бителир, сёз джара, ёмюрге къалыр.
- Эл тойса, тоймагъан, эл къойса, къоймагъан.
- Тюзлюк шохлукъну бегитир.
- Къоркъакъны кёзю экили кёрюр.
- Адеби болмагъан къыз – тузсуз хант.
- Акъылсызны джууукъгъа алма, акъыллыны кенгнге салма.
- Адамны сыфатына къарама, сёзюне къара.
- Джарлы тюеге минсе да, ит къабар.
- Къонакъ болсанг, ийнакъ бол.
- Тенгинг джокъ эсе – изле, бар эсе – сакъла!
- Адамны аманы адамны бети бла ойнар.
- Кирсизни – саны таза, халалны – къаны таза.
- Иги сёз – джаннга азыкъ, аман сёз башха – къазыкъ.
- Тилчи тилден къаныкъмаз.
- Айран тёгюлсе, джугъусу къалыр.
- Тёрде – темир таякълы, къаяда – чыпчыкъ аякълы.
- Чабар ат – джетген къыз.
- Халкъны джырын джырласанг, халкъ санга эжиу этер.
- Тилде сюек болмаса да, сюек сындырыр.
- Ашатыргъа иш – ашхы, ишлетирге аш – ашхы.
- Акъыллы айтыр эди, акъылсыз къоймайды.
- Гырджын – тепсини тамадасы.
- Таугъа чыгъаллыкъ эсенг, тюзде къалма.
- Къалгъан ишге къар джауар.
- Суу ичген шауданынга тюкюрме.
- Ач уят къоймаз.
- Къонакъ аман болса, къонакъбай джунчур
- Байлыкъ тауусулур, билим тауусулмаз.
- Кийимни бир кюнню аясанг, минг кюннге джарар.
- Телини эшигин, махтау джабар.
- Аман адам элни бир-бирине джау этер.
- Аман хансны – урлугъу кёб.
- Айтылгъан буйрукъ, сёгюлмез
- Таш ата билмеген, башына урур.
- Уллу айтханны этмеген – уллаймаз.
- Мадар болса, къадар болур.
- Къозулугъунда тоймагъан, къойлугъунда тоймаз.
- Ётюрюкню башын керти кесер.
- Рысхы – сют юсюнде кёмюк кибикди.
- Адебни адебсизден юрен.
- Агъач – джерни чырайы, кийим – эрни чырайы.
- Тойгъан антын унутур.
- Чыкълы кюнде чыкъмагъан, чыкъса къуру кирмеген.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72