- Таш ата билмеген, башына урур.
- Байлыкъ адамны сокъур этер.
- Джырына кёре эжиую.
- Къайтырыкъ эшигинги, къаты уруб чыкъма.
- Киштикге къанат битсе, чыпчыкъ къалмаз эди.
- Азыгъы аз, алгъа къабар, аты аман, алгъа чабар.
- Ойнай билмеген, оюн бузар.
- Бал ашаргъа сюе эсенг, чибин ургъаннга тёз.
- Билмезни кёзю кёрмез, этмезни къулагъы эшитмез.
- Ичимден чыкъды хата, къайры барайым сата?
- Рысхы – насыбха къор.
- Сабыр джетер муратха, сабырсыз къалыр уятха.
- Сёз сёзню айтдырыр.
- Аманны къуугъан, аманлыкъ табар.
- Кёпюр салгъан кеси ётер, уру къазгъан кеси кетер.
- Ачлыкъ отха секиртир.
- Къазанда болса, чолпугъа чыгъар.
- Дуния малгъа сатылма, кесингден телиге къатылма.
- Аманнга алтын чыдамаз.
- Мадар болса, къадар болур.
- Адамны аманы адамны бети бла ойнар.
- Ойнай билмеген, уруб къачар.
- Байны къызы баймакъ болса да, юйде къалмаз!
- Онгсузну – джакъла, тенгликни – сакъла.
- Мал ёлсе, сюек къалыр, адам ёлсе, иши къалыр.
- Чомарт бергенин айтмаз.
- Окъуу – билимни ачхычы, окъуу – дунияны бачхычы.
- Ашда – бёрю, ишде – ёлю.
- Тил – кесген бычакъ, сёз – атылгъан окъ.
- Чабакъсыз кёлге къармакъ салгъанлыкъгъа, чабакъ тутмазса.
- Ашхы атаны – джашы ашхы, ашхы ананы – къызы ашхы.
- Телини эшигин, махтау джабар.
- Ач да бол, токъ да бол – намысынга бек бол.
- Эл элде бирер малынг болгъандан эсе, бирер тенгинг болсун.
- Джеринден айырылгъан – джети джылар, джуртундан айырылгъан – ёлгюнчю джылар.
- Намысы болмагъанны, сыйы болмаз.
- Тойгъандан сора, ашны сёкме.
- Тил бла келеди джыр да.
- Тешигини къатында, чычхан да батыр болур.
- Къызны минг тилер, бир алыр.
- Къая джолда джортма, ачыкъ сёзден къоркъма.
- Бюгюн дуния кибик, тамбла ахыратды.
- Чомарт къолда мал къалмаз.
- Элни кючю – эмеген.
- Ёзденликни джайгъан – джокълукъ.
- Юй ишлеген балта эшикде къалыр.
- Аллахха ийнаннган кишини, Аллах онгдурур ишин.
- Къулакъдан эсе, кёзге ышан.
- Ашатыргъа иш – ашхы, ишлетирге аш – ашхы.
- Хансыз джомакъ болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72