- Эл ауузу – элек, анга ийнаннган – халек.
- Джаным-тиним – окъуу, билим.
- Айныгъанлы алты кюн, тогъайгъанлы тогъуз кюн.
- Аман эсирсе, юйюн ояр.
- Къолу уллу – асыу, аягъы уллу – джарсыу.
- Ашхы тенг джолгъа салыр, аман тенг джолдан тайдырыр.
- Къайтырыкъ эшигинги, къаты уруб чыкъма.
- Къатыны харакетли болса, эри къымсыз болур.
- Ата – баланы уясы.
- Кюн – узун, ёмюр – къысха.
- Кёзню ачылгъаны – иги, ауузну джабылгъаны – иги.
- Элиб деген, элге болушур.
- Джахил болса анасы, не билликди баласы?
- Ёксюзню къалачы уллу кёрюнюр.
- Ашхы атаны – джашы ашхы, ашхы ананы – къызы ашхы.
- Айранын берсенг, челегин да къызгъанма.
- Чомарт къонакъ юй иесин сыйлар.
- Джангыз торгъай джырламаз.
- Къуллукъчума, деб махтанма, къуллукъ – хаух джамчыды!
- Мухарны эси – ашарыкъда.
- Артына баргъанны, къатына барма.
- Эринчекни эр алмаз, эр алса да, кёл салмаз, кёл салса да, кёб бармаз!
- Бастасын ашагъан, хантусун да ичер.
- Къатын байлыкъны сюер, эр саулукъну сюер.
- Азыгъы аз, алгъа къабар, аты аман, алгъа чабар.
- Чоюнну башы ачыкъ болса, итге уят керекди.
- Айран тёгюлсе, джугъусу къалыр.
- Олтуруб кёрюнмей эди да, ёрге туруб кёрюне эди.
- Этек чакъмакълары баш джаргъан, сёлешген сёзлери таш джаргъан.
- Этим кетсе да, сюегим къалыр.
- Къазанда болса, чолпугъа чыгъар.
- Эм ашхы къайын ана мамукъ бла башынгы тешер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ашлыкъ – бюртюкден, джюн – тюкден.
- Эр сокъур болсун, къатын тилсиз болсун.
- Чакъырылмагъан джерге барма, чакъырылгъан джерден къалма.
- Байлыкъдан саулукъ ашхыды.
- Аякъларынгы джууургъанынга кёре узат.
- Мадар болса, къадар болур.
- Бал ашаргъа сюе эсенг, чибин ургъаннга тёз.
- Игилик игилик бла сингдирилиучю затды.
- Асхат ашлыкъ сата, юйдегиси ачдан къата.
- Эте билген, этген этеди, эте билмеген, юретген этеди!
- Байны къызы баймакъ болса да, юйде къалмаз!
- Элге къуллукъ этмеген, элге ие болмаз.
- Эртде тургъан бла эртде юйленнген сокъуранмаз.
- Ишни ахырын ойламай, аллын башлама.
- Кёз – сюйген джерде, къол – ауругъан джерде.
- Келлик заман – къартлыкъ келтирир, кетген заман – джашлыкъ ёлтюрюр.
- Бек ашыкъгъан меннге джетсин, дегенди аракъы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72