- Эр сокъур болсун, къатын тилсиз болсун.
- Къаллай салам берсенг, аллай джууаб алырса.
- Тас болгъан бычакъны сабы – алтын.
- Эр абынмай, эл танымаз.
- Таш бла ургъанны, аш бла ур.
- Эм уллу байлыкъ – джан саулукъ.
- Кёлю джокъну – джолу джокъ.
- Ёгюзню мюйюзюнден тутадыла, адамны сёзюнден тутадыла.
- Ауурну тюбю бла, дженгилни башы бла джюрюген.
- Аз сёлеш, кёб ишле.
- Ашхы болсанг, атынг чыгъар, аман болсанг, джанынг чыгъар.
- Аманнга алтын чыдамаз.
- Кийим тукъум сордурур.
- Ашлыкъ – бюртюкден, джюн – тюкден.
- Акъыл аздырмаз, билим тоздурмаз.
- Эки элинги тыйсанг, джети элде махталырса.
- Бюгюн дуния кибик, тамбла ахыратды.
- Чабар ат – джетген къыз.
- Окъуу – билимни ачхычы, окъуу – дунияны бачхычы.
- Уллу сёлешме да, уллу къаб.
- Эркишини аманы тиширыуну джылатыр.
- Аджаллыгъа окъсуз шкок атылыр.
- Малны кют, джерни тюрт.
- Тамырсыз терекге таянма – джыгъылырса.
- Тенгни тенглиги джашай барсанг билинир.
- Ишлегенде эринме, ишде чолакъ кёрюнме.
- Сёз садакъдан кючлюдю.
- Хунаны тюбюн къазсанг, юсюнге ауар.
- Бал чибинни ургъаны – ачы, балы – татлы.
- Тили узунну, намысы – къысха.
- Итли къонакъ джарашмаз.
- Башсыз урчукъ тюзюне айланмаз.
- Кёрмегеннге кебек – танг, битмегеннге сакъал – танг.
- Ашхы – джыяр, аман – джояр.
- Аууздан келген, къолдан келсе, ким да патчах болур эди.
- Тёзгеннге, джабылгъан эшик ачылыр.
- Чабакъсыз кёлге къармакъ салгъанлыкъгъа, чабакъ тутмазса.
- Аман адамны тепсинге олтуртсанг, къызынгы тилер.
- Тин – байлыгъынг, терен саулугъунг.
- Терслик кетер, тюзлюк джетер.
- Тойгъан джерден туугъан джер игиди.
- Окъугъан – асыу, окъумагъан – джарсыу.
- Чакъырылмагъан къонакъ къачан кетерин сормаз.
- Кёбге таш атма.
- Юйюнгден чыкъдынг – кюнюнгден чыкъдынг.
- Аз айтсам, кёб ангылагъыз.
- Адеб этмеген, адеб кёрмез.
- Ёлюр джаннга, ёкюл джокъ.
- Мухарны эси – ашарыкъда.
- Халкъны юйю – туугъан джери.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72