- Аш берме да, къаш бер.
- Хоншуну тауугъу къаз кёрюнюр, келини къыз кёрюнюр.
- Ана кёлю – балада, бала кёлю – талада.
- Нарт сёз къарт болмаз.
- Джаз бир кюнню джатсанг, къыш талай кюнню абынырса.
- Эки итни арасына сюек атма, эки адамны арасында сёз чыгъарма.
- Билими азны – ауузунда кирит.
- Джумушакъ терекни къурт ашар.
- Ойнай-ойнай кёз чыгъар.
- Тамырсыз терекге таянма – джыгъылырса.
- Сагъыш – къартлыкъгъа сюйюмчю.
- Ауузу бла къуш тута айланады.
- Адебсиз адам – джюгенсиз ат.
- Ишленмеген джаш – джюгенсиз ат, ишленмеген къыз – тузсуз хант.
- Ишлерге уял да, ашаргъа табма.
- Атадан ёксюз – бир ёксюз, анадан ёксюз – эки ёксюз.
- Билеги кючлю, бирни джыгъар, билими кючлю, мингни джыгъар.
- Ёксюзню къалачы уллу кёрюнюр.
- Кёрмегеннге кебек – танг, битмегеннге сакъал – танг.
- Тура эдим джата, къайдан чыкъды хата?
- Биреуню къыйынлыгъы бла кесинге джол ишлеме.
- Керилген да, ургъан кибикди.
- Уллу къашыкъ эрин джыртар.
- Таякъ этден ётер, тил сюекден ётер.
- Намыс болмагъан джерде, насыб болмаз.
- Агъач – джерни чырайы, кийим – эрни чырайы.
- Баш болса, бёрк табылыр.
- Аман хансны – урлугъу кёб.
- Керти сёзге тёре джокъ.
- Ауругъаннга – кийик саулукъ, джетген къызгъа – чилле джаулукъ.
- Къазанда болса, чолпугъа чыгъар.
- Малны кют, джерни тюрт.
- Кёзю сокъурдан – къоркъма, кёлю сокъурдан – къоркъ.
- Акъыллы – эл иеси, тели – эл баласы.
- Ашарыкъда сайлагъаннга – чий гырджын.
- Азыкълы ат арымаз, къатыны аман джарымаз.
- Шекер бла туз – бир болмаз, ушамагъан – юй болмаз.
- Эм уллу байлыкъ – джан саулукъ.
- Бюгюн дуния кибик, тамбла ахыратды.
- Бети бедерден, намыс сакълама.
- Ариу сёз аурууунгу алыр.
- Экеулен сёлеше тура эселе, орталарына барыб кирме.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ханы къызы буюгъа-буюгъа киштик болду.
- Къызын тута билмеген, тул этер, джашын тута билмеген, къул этер.
- Эр абынмай, эл танымаз.
- Чыкълы кюнде чыкъмагъан, чыкъса къуру кирмеген.
- Аджалсыз ёлюм болмаз.
- Ариуну – ауруу кёб.
- Ханнга да келеди хариблик.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72