- Шайтан алдады, тюзлюк къаргъады.
- Тилчи тилден къаныкъмаз.
- Окъуу – билимни ачхычы, окъуу – дунияны бачхычы.
- Тойгъан джерден туугъан джер игиди.
- Кёлю джокъну – джолу джокъ.
- Къарнынг ауруса, ауузунгу тый
- Кёб джашагъан – кёб билир.
- Джыгъылгъанны сырты джерден тоймаз.
- Адамгъа аман кюн соруб келмейди.
- Сангырау къулакъ эл бузар.
- Керилген да, ургъан кибикди.
- Юй ишлеген балта эшикде къалыр.
- Ашарыкъда сайлагъаннга – чий гырджын.
- Эл бла кёргенинг эрелей.
- Сабий болмагъан джерде, мёлек болмаз.
- Арыгъан къош чамчы болур.
- Акъыл къартда, джашда тюйюлдю – башдады.
- Халкъгъа джарагъан, джарлы къалмаз.
- Кимни – тили, тиши онглу, кимни – къолу, иши онглу.
- Ашда уялгъан – мухар, ишде уялгъан – хомух.
- Айран тёгюлсе, джугъусу къалыр.
- Билим ат болуб да чабар, къуш болуб да учар.
- Аурууну келиую тынч, кетиую – къыйын.
- Къартны сыйын кёрмеген, къартлыгъында сыйлы болмаз.
- Бастасын ашагъан, хантусун да ичер.
- Къарнынг бла ёч алма.
- Бал – татлы, балдан да бала – татлы.
- Хатерли къул болур.
- Ашхы болсанг, атынг чыгъар, аман болсанг, джанынг чыгъар.
- Джашынгы кесинг юретмесенг, джашау юретир.
- Юйюнгден чыкъдынг – кюнюнгден чыкъдынг.
- Иесиз малны бёрю ашар.
- Адам сёзюнден белгили.
- Ашын ашагъанынгы, башын да сыйла.
- Нафысынгы айтханын этме, намысынгы айтханын эт.
- Ауурну тюбю бла, дженгилни башы бла джюрюген.
- Экиндини кеч къылсанг, чабыб джетер ашхам.
- Этек чакъмакълары баш джаргъан, сёлешген сёзлери таш джаргъан.
- Ашда – бёрю, ишде – ёлю.
- Къонакъ хазыр болгъанлыкъгъа, къонакъбай хазыр тюлдю.
- Къызбайны юйюне дери сюрсенг, батыр болур.
- Чабакъсыз кёлге къармакъ салгъанлыкъгъа, чабакъ тутмазса.
- Этни да ашады, бетни да ашады.
- Ата – билек, ана – джюрек!
- Сагъыш – къартлыкъгъа сюйюмчю.
- Къыз чыгъаргъан – къызыл къымжа.
- Ёлген эшек бёрюден къоркъмайды.
- Билим насыб берир, билим джолну керир.
- Бозаны арты дауур болур.
- Тик ёргени, тик энгишгеси да болады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72