- Адамны аманы адамны бети бла ойнар.
- Джаралыны джастыгъында сау ёлюр.
- Адам сёзюнден белгили.
- Кесине гебен этелмеген, биреуге черен эте эди.
- Шайтан алдады, тюзлюк къаргъады.
- Байлыкъ келсе, акъыл кетер.
- Чомарт бергенин айтмаз.
- Уллу къашыкъ эрин джыртар.
- Джаз бир кюнню джатсанг, къыш талай кюнню абынырса.
- Эртде тургъан бла эртде юйленнген сокъуранмаз.
- Огъурлуну сёзю – суу, огъурсузну сёзю – уу.
- Ишлегенден, къарагъан уста.
- Кесинге джетмегенни, кёб сёлешме.
- Тёзгеннге, джабылгъан эшик ачылыр.
- Татлы тилде – сёз ариу, чемер къолда – иш ариу.
- Мен да «сен», дейме, сен да «кесим», дейсе.
- Акъыллы башны – тили къысха.
- Арыгъан къош чамчы болур.
- Ач къалгъандан, кеч къалгъан къолай.
- Эл бла кёргенинг эрелей.
- Кимни – тили, тиши онглу, кимни – къолу, иши онглу.
- Чабар ат – джетген къыз.
- Бермеген къол, алмайды.
- Намыс сатылыб алынмайды.
- Кесинг сынамагъан затны, адамгъа буюрма.
- Байны къызы баймакъ болса да, юйде къалмаз!
- Ашатыргъа иш – ашхы, ишлетирге аш – ашхы.
- Кёзню ачылгъаны – иги, ауузну джабылгъаны – иги.
- Сангырау къулакъ эл бузар.
- Тели турса – той бузар.
- Тойгъа барсанг, тоюб бар, эски тонунгу къоюб бар.
- Юйюнг бла джау болгъандан эсе, элинг бла джау бол.
- Адеб базарда сатылмаз.
- Халкъны юйю – туугъан джери.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Абынмазлыкъ аякъ джокъ, джангылмазлыкъ джаякъ джокъ.
- Айыбны суу бла джууалмазса.
- Хар зат кесини орнуна иги.
- Суу да къайтады чыкъгъан джерине.
- Дууулдаса – бал чибин, къонса – къара чибин.
- Аманнга игилик этсенг, юйюнге сау бармазса.
- Мал тутхан – май джалар.
- Къонакъны къачан кетерин сорма, къачан келлигин сор.
- Окъугъан озар, окъумагъан тозар.
- Тойгъан джерге джети къайт.
- Кёз – сюйген джерде, къол – ауругъан джерде.
- Уруну арты – къуру.
- Башланнган иш битер, къымылдагъан тиш тюшер.
- Аджашханны ызындагъы кёреди, джангылгъанны джанындагъы биледи.
- Окъуу – билимни ачхычы, окъуу – дунияны бачхычы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72