- Джылкъыдан – ат чыгъар, тукъумдан – джаш чыгъар.
- Урунуу – насыбны анасы.
- Тешигини къатында, чычхан да батыр болур.
- Садакъачыны джаны – къапчыгъында.
- Ичимден чыкъды хата, къайры барайым сата?
- Чомартны къолун джокълукъ байлар.
- Байма, деб да, къууанма, джарлыма, деб да, джылама.
- Эл тойса, тоймагъан, эл къойса, къоймагъан.
- Акъыллы эркиши атын махтар, акъылсыз эркиши къатынын махтар.
- Чыбыкълыкъда бюгюлмеген, къазыкълыкъда бюгюлмей эди.
- Къыз тиширыу кеси юйюнде да къонакъды.
- Эки къатын алгъан – эки ташны ортасына башын салгъан.
- Хоншуну тауугъу къаз кёрюнюр, келини къыз кёрюнюр.
- Кёб джат да, бек чаб.
- Гугурук къычырмаса да, тангны атары къалмаз.
- Ач – эснер, ат – кишнер.
- Соргъан айыб тюлдю, билмеген айыбды.
- Къартха ушагъан джаш – акъыллы, джашха ушагъан къарт – тели.
- Эл бла кёргенинг эрелей.
- Сютден ауузу кюйген, суугъа юфгюре эди.
- Кёбден умут этиб, аздан къуру къалма.
- Иги джашны ышаны – аз сёлешиб, кёб тынгылар.
- Этни да ашады, бетни да ашады.
- Босагъа таш юйге кирмей эди, тыбыр таш эшикге чыкъмай эди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эл ауузу – элия.
- Мени джылытмагъан кюн, меннге тиймесин!
- Билимли ёлмез, билимсиз кёрмез.
- Тёрде – темир таякълы, къаяда – чыпчыкъ аякълы.
- Кеси юйюмде мен да ханма.
- Ата джурт – алтын бешик.
- Экеу тутушса, биреу джыгъылыр.
- Зар адам ашынгы ашар, кесинги сатар.
- Агъач – джерни чырайы, кийим – эрни чырайы.
- Тёрени джагъы джокъ.
- Эл ауузу – элек, анга ийнаннган – халек.
- Чакъырылмай келген къонакъ сыйланмай кетер.
- Билеги кючлю, бирни джыгъар, билими кючлю, мингни джыгъар.
- Кюл тюбюндеги от кёрюнмейди.
- Окъугъан – асыу, окъумагъан – джарсыу.
- Ачыкъ джюрекге джол – ачыкъ.
- Сууда джау джокъ, кёб сёзде магъана джокъ.
- Эллинг бла джау болсанг да, юйюнг бла джау болма.
- Ашыкъгъан cуу, тенгизге джетмез.
- Билгенни къолу къарны джандырыр.
- Ашхы адам – халкъ байлыгъы, ашхы джер – джашау байлыгъы.
- Иши джокъну, сыйы джокъ.
- Джюрекге ариу – кёзге да ариу.
- Чалманны аллы къалай башланса, арты да алай барады.
- Башынга джетмегенни сорма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72