- Намыс болмагъан джерде, насыб болмаз.
- Ашлыкъ – бюртюкден, джюн – тюкден.
- Къызны минг тилер, бир алыр.
- Аман киши кеси юйюнде – къонакъ.
- Адам туугъан джеринде, ит тойгъан джеринде.
- Ёзденликни кёбю ётюрюк.
- Къаллай салам берсенг, аллай джууаб алырса.
- Аманны къуугъан, аманлыкъ табар.
- Келинин тута билмеген, къул этер, къызын тута билмеген, тул этер.
- Агъач халкъгъа алтынды, иссиликге салкъынды.
- Къыз келсе, джумуш эте келеди, къатын келсе, ушакъ эте келеди.
- Къарнынг къанлынга кийирир.
- Ётюрюк хапар аякъ тюбю бла джюрюйдю.
- Уллу къазанда бишген эт, чий къалмаз.
- Бозаны арты дауур болур.
- Кюн кёрмеген, кюн кёрсе, кюндюз чыракъ джандырыр.
- Хар сёзню орну барды.
- Арыгъан къош чамчы болур.
- Ауругъан – джашаудан умутчу.
- Адамны аты башхача, акъылы да башхады.
- Адам сёзге тынгыла, акъыл сёзню ангыла.
- Окъугъан – асыу, окъумагъан – джарсыу.
- Биреуню эскиси биреуге джангы болмайды.
- Окъ къызбайны джокълайды.
- Тилсиз миллет джокъ болур.
- Чакъырылмагъан къонакъ къачан кетерин сормаз.
- Къартны сыйын кёрмеген, къартлыгъында сыйлы болмаз.
- Рысхы джалгъанды: келген да этер, кетген да этер.
- Эки элинги тыйсанг, джети элде махталырса.
- Эки къатын алгъан – эки ташны ортасына башын салгъан.
- Сыфатында болмагъаны, суратында болмаз.
- Къралынгы – душмандан, башынгы от бла суудан сакъла.
- Ойнай билмеген, уруб къачар.
- Байма, деб да, къууанма, джарлыма, деб да, джылама.
- Сёз садакъдан кючлюдю.
- Азыкълы ат арымаз, къатыны аман джарымаз.
- Кёб къычыргъандан – къоркъма, тынч олтургъандан – къоркъ.
- Насыб бютеу халкъны юлюшюдю.
- Телиге акъыл салгъандан эсе, ёлгеннге джан салырса.
- Кёб джат да, бек чаб.
- Къая джолда джортма, ачыкъ сёзден къоркъма.
- Бет бетге къараса, бет да джерге къарар.
- Айтхан сёзюне табылгъан.
- Хар адамгъа кеси миннген тау кибик.
- Башда акъыл болмаса, эки аякъгъа кюч джетер.
- Акъыл къартда, джашда тюйюлдю – башдады.
- Хазыр ашха – терен къашыкъ.
- Бек анасы джыламаз.
- Джашда акъыл джокъ, къартда къарыу джокъ.
- Тил – кесген бычакъ, сёз – атылгъан окъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72