- Айтылгъан буйрукъ, сёгюлмез
- Джетген къыз джерли эшекни танымаз.
- Юйлю уругъа ит чабмаз.
- Ишленмеклик адамлыкъды.
- Къан бла кирген, джан бла чыгъар.
- Сёз – кюмюш, джыр – алтын.
- Ёлген аслан – сау чычхан.
- Чабакъсыз кёлге къармакъ салгъанлыкъгъа, чабакъ тутмазса.
- Къызгъанчдан ычхыныр, мухардан ычхынмаз.
- Иги адам абынса да, джангылмаз.
- Къыз тиширыу кеси юйюнде да къонакъды.
- Мени джылытмагъан кюн, меннге тиймесин!
- Чакъырылмагъан джерге барма, чакъырылгъан джерден къалма.
- Акъыл неден да кючлюдю.
- Джеринден айырылгъан – джети джылар, джуртундан айырылгъан – ёлгюнчю джылар.
- Таш бла ургъанны, аш бла ур.
- Адеб джокъда, намыс джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Игини сыйлагъан адетди.
- Уллу къазанда бишген эт, чий къалмаз.
- Аз сёлешген, къайгъысыз турур.
- Айтылгъан сёз ызына къайтмаз.
- Къонагъы джокъну – шоху джокъ.
- Намысы болмагъанны, сыйы болмаз.
- Къонакъ хазыр болгъанлыкъгъа, къонакъбай хазыр тюлдю.
- Келлик заман – къартлыкъ келтирир, кетген заман – джашлыкъ ёлтюрюр.
- Босагъа таш юйге кирмей эди, тыбыр таш эшикге чыкъмай эди.
- Тёрде – темир таякълы, къаяда – чыпчыкъ аякълы.
- Алтыннга тот къонмаз.
- Адебни адебсизден юрен.
- Тили узунну, намысы – къысха.
- Хар адамгъа кеси миннген тау кибик.
- Къарны аманнга къазан такъдырма, къолу аманнга от джакъдырма.
- Келинни – келгинчи, бёркню кийгинчи кёр.
- Къар – келтирди, суу – элтди.
- Эм ашхы къайын ана мамукъ бла башынгы тешер.
- Бир онгсуз адам адет чыгъарды, деб эштирик тюлсе.
- Кёб къычыргъандан – къоркъма, тынч олтургъандан – къоркъ.
- Тенги кёбню джау алмаз, акъылы кёбню дау алмаз.
- Ишлегенде эринме, ишде чолакъ кёрюнме.
- Керилген да, ургъан кибикди.
- Тилчи бир сагъатха айлыкъ хата этер.
- Кёлсюзден сёзсюз тууар.
- Эл ауузу – элия.
- Бети – къучакълар, джюреги – бычакълар.
- Ханнга да келеди хариблик.
- Ётюрюкден тюбю джокъ, кёлтюрюрге джиби джокъ.
- Адамны сыфатына къарама, сёзюне къара.
- Мадар болса, къадар болур.
- Адамны аты башхача, акъылы да башхады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72