- Джангызны оту джарыкъ джанмаз!
- Чакъырылгъанны аты, чакъырылмагъанны багъасы болур.
- Къонагъы джокъну – шоху джокъ.
- Ана кёлю – балада, бала кёлю – талада.
- Этек чакъмакълары баш джаргъан, сёлешген сёзлери таш джаргъан.
- Къыз тиширыу кеси юйюнде да къонакъды.
- Ачыу алгъа келсе, акъыл артха къалады.
- Нарт сёз къарт болмаз.
- Эринчекни аурууу – кёб.
- Тешигини къатында, чычхан да батыр болур.
- Акъыл къартда, джашда тюйюлдю – башдады.
- Харам къарнашдан, халал тенг ашхы.
- Кёзюнде тереги болгъан, чёбю болгъаннга кюле эди.
- Сёз садакъдан кючлюдю.
- Джарлыны тону джаз битер.
- Тилсиз миллет джокъ болур.
- Миллетни бойну – базыкъ, аны бла кюрешген – джазыкъ.
- Байны оноуу, джарлыгъа джарамаз.
- Ёмюрлюк шохлукъну джел элтмез.
- Тели турса – той бузар.
- Аз айтсам, кёб ангылагъыз.
- Ашаса, ашамаса да, бёрюню ауузу – къан.
- Къуллукъчума, деб махтанма, къуллукъ – хаух джамчыды!
- Джылар джаш, атасыны сакъалы бла ойнар.
- Адеб этмеген, адеб кёрмез.
- Кимни – тили, тиши онглу, кимни – къолу, иши онглу.
- Кесинге джетмегенни, кёб сёлешме.
- Душманны тышы – акъ, ичи – къара.
- Ариу джол аджал келтирмез.
- Ишленмеклик адамлыкъды.
- Чакъырылмагъан джерге барма, чакъырылгъан джерден къалма.
- Биреу ашаб къутулур, биреу джалаб тутулур.
- Мухардан ач ычхынмаз.
- Къарын къуру болса, джюрек уру болур.
- Джерни букъусу кёкге къонмаз.
- Сютню башын джалагъан къутулур, тюбюн ичген тутулур.
- Аман къатын алгъан, арыр, иги къатын алгъан джарыр.
- Аллахдан тилесенг, кёб тиле.
- Башланнган иш битер, къымылдагъан тиш тюшер.
- Джюрекден джюрекге джол барды.
- Джолда аягъынга сакъ бол, ушакъда тилинге сакъ бол.
- Аш берме да, къаш бер.
- Бет бетге къараса, бет да джерге къарар.
- Хазыр ашха – терен къашыкъ.
- Тик ёргени, тик энгишгеси да болады.
- Игиге айтсанг – билир, аманнга айтсанг – кюлюр.
- Таш бла ургъанны, аш бла ур.
- Махтаннган къыз, тойда джукълар.
- Ариу сёз аурууунгу алыр.
- Аякъларынгы джууургъанынга кёре узат.
