- Ёлген аслан – сау чычхан.
- Адеби болмагъан къыз – тузсуз хант.
- Башынга джетмегенни сорма.
- Тиширыусуз юй – отсуз от джагъа.
- Чабакъсыз кёлге къармакъ салгъанлыкъгъа, чабакъ тутмазса.
- Хар зат кесини орнуна иги.
- Кёзюнде тереги болгъан, чёбю болгъаннга кюле эди.
- Ким бла джюрюсенг, аны кёзю бла кёрюнюрсе.
- Джюрекге ариу – кёзге да ариу.
- Ётюрюкчюню шагъаты – къатында.
- Бёрю да ач къалмасын, эчки да ашалмасын.
- «Ёгюз, джаргъа джууукъ барма, меннге джюк боллукъса», - дегенди эшек.
- Нафысынгы айтханын этме, намысынгы айтханын эт.
- Адебни адебсизден юрен.
- Этим кетсе да, сюегим къалыр.
- Акъыллы айтыр эди, акъылсыз къоймайды.
- Ашатыргъа иш – ашхы, ишлетирге аш – ашхы.
- Накъырданы арты керти болур.
- Билмезни кёзю кёрмез, этмезни къулагъы эшитмез.
- Байдан умут эте, джарлыдан ёгюз багъасы къорады.
- Байма, деб да, къууанма, джарлыма, деб да, джылама.
- Джылыгъа джылан илешир.
- Джаралыны джастыгъында сау ёлюр.
- Бети – къучакълар, джюреги – бычакълар.
- Узун джолну барсанг, бюгюн келирсе, къысха джолну барсанг, тамбла келирсе.
- Ариу сёзде ауруу джокъ.
- Тешигини къатында, чычхан да батыр болур.
- Арба аугъандан сора, джол кёргюзтюучю кёб болур.
- Кёкдеги болмаса, джердегин кёрмейди.
- Ата – билек, ана – джюрек!
- Сууда джау джокъ, кёб сёзде магъана джокъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёлсюзден сёзсюз тууар.
- Окъугъан – асыу, окъумагъан – джарсыу.
- Ишленмеклик адамлыкъды.
- Иги сеники эсе да, сюйген кесимикин этеме.
- Тилсиз миллет джокъ болур.
- Суу да къайтады чыкъгъан джерине.
- Ачлыкъ отха секиртир.
- Джылар джаш, атасыны сакъалы бла ойнар.
- Акъыл сабырлыкъ берир.
- Термилгенинги табмазса, кюлгенинге тюберсе.
- Илму – джашауну джолу.
- Аман къатын алгъан, арыр, иги къатын алгъан джарыр.
- Джырчы ёлсе, джыры къалыр.
- Джумушакъ терекни къурт ашар.
- Аш иеси бла татлыды.
- Джашны джигитлиги сорулур, къызны джигерлиги сорулур.
- Хар сёзню орну барды.
- Аш берме да, къаш бер.
