- Уллу суу бла уллу ауруудан башынгы сакъла.
- Тюкюрюк баш джармаз, налат кёз чыгъармаз!
- Къарт бла баш аша, джаш бла аякъ аша.
- Танг атмайма десе да, кюн къоярыкъ тюйюлдю.
- Ашда уялгъан – мухар, ишде уялгъан – хомух.
- Ач уят къоймаз.
- Ёлген аслан – сау чычхан.
- Бал ашаргъа сюе эсенг, чибин ургъаннга тёз.
- Олтуруб кёрюнмей эди да, ёрге туруб кёрюне эди.
- Аманны эки битли тону болур, бирин сеннге кийдирир, бирин кеси киер.
- Терек ауса, отунчу – кёб.
- Къралынгы – душмандан, башынгы от бла суудан сакъла.
- Кёбню кёрген – кёб билир.
- Насыблы элин сюер, насыбсыз кесин сюер.
- Эркиши – от, тиширыу – суу.
- Ашыкъгъанны этеги бутуна чырмалыр.
- Соргъан айыб тюлдю, билмеген айыбды.
- Эки къатын алгъанны къулагъы тынгнгаймаз.
- Адамны адамлыгъы къыйынлыкъда айгъакъланады.
- Ёнгкюч къууана барыр, джылай келир.
- Бет бетге къараса, бет да джерге къарар.
- Айырылмаз джууугъунга, унутмаз сёзню айтма.
- Сёз садакъдан кючлюдю.
- Башынга джетмегенни сорма.
- Аш иеси бла татлыды.
- Тойгъан джерге джети къайт.
- Тик ёргени, тик энгишгеси да болады.
- Окъдан джара эртде-кеч болса да бителир, сёз джара, ёмюрге къалыр.
- Джылкъыдан – ат чыгъар, тукъумдан – джаш чыгъар.
- Джерни букъусу кёкге къонмаз.
- Билим насыб берир, билим джолну керир.
- Эки ойлашыб, бир сёлешген.
- Аман къатын алгъан, арыр, иги къатын алгъан джарыр.
- Босагъа таш юйге кирмей эди, тыбыр таш эшикге чыкъмай эди.
- Сакъ юйюне сау барыр.
- Бек анасы джыламаз.
- Чёбню кёлтюрсенг, тюбюнден сёз чыгъар.
- Мал кёб болса, джууукъ кёб болур.
- Ашхы атаны – джашы ашхы, ашхы ананы – къызы ашхы.
- Къыйынлы джети элни къайгъысын этер.
- Джыйырма къойну юч джыйырма эбзе кюте эди.
- Къарнынг бла ёч алма.
- Айраннга суу къош, телиге джол бош.
- Дуния аламаты сен эсенг да, игиме деб айтма.
- Ата джурт – алтын бешик.
- Къобан да къуру да къобханлай турмайды, адам да къуру да патчахлай турмайды.
- Аш берме да, къаш бер.
- Ашхы болсанг, атынг чыгъар, аман болсанг, джанынг чыгъар.
- Бети къызарыучу адамны, джюреги харам болмаз.
- Билим – акъылны чырагъы.
