Аудио :: Аудио:: Узденов Сапар

Аман киши кеси юйюнде – къонакъ.
Элиб деген, элге болушур.
Сескекли кесин билдирир.
Къыз келсе, джумуш эте келеди, къатын келсе, ушакъ эте келеди.
Таугъа чыгъаллыкъ эсенг, тюзде къалма.
Адам сёзюнден белгили.
Аш кетер да бет къалыр.
Айтхан – тынч, этген – къыйын.
Тура эдим джата, къайдан чыкъды хата?
Кёбден умут этиб, аздан къуру къалма.
Ёксюзню тилеги къабыл болур.
Эшекни не къадар тюйсенг да, ат болмаз.
Акъыллы – эл иеси, тели – эл баласы.
Кёкдеги болмаса, джердегин кёрмейди.
Тилчи тилден къаныкъмаз.
Баргъанынга кёре болур келгенинг.
Тил – миллетни джаны.
Миллетни бойну – базыкъ, аны бла кюрешген – джазыкъ.
Кёб къычыргъандан – къоркъма, тынч олтургъандан – къоркъ.
Чомартны къолу берекет.
Алма терегинден кери кетмез.
Ат да турмайды бир териде.
Таукелге нюр джауар.
Адамны сабийин сюйген джюреги, бычакъча, джитиди.
Дуния мал дунияда къалады.
Адебсиз адам – джюгенсиз ат.
Ауругъаннга – кийик саулукъ, джетген къызгъа – чилле джаулукъ.
Эртде тургъан джылкъычыны эркек аты тай табар.
Айныгъанлы алты кюн, тогъайгъанлы тогъуз кюн.
Эшекге миннген – биринчи айыб, андан джыгъылгъан – экинчи айыб.
Чабакъсыз кёлге къармакъ салгъанлыкъгъа, чабакъ тутмазса.
Аллахха ийнаннган кишини, Аллах онгдурур ишин.
Къайтырыкъ эшигинги, къаты уруб чыкъма.
Хар сёзню орну барды.
Рысхы – насыбха къор.
Мухар, кеси тойса да, кёзю тоймаз.
Иши джокъну, сыйы джокъ.
Таякъ этден ётер, тил сюекден ётер.
Уясында не кёрсе, учханында аны этер.
Магъанасыз сёз – тауушсуз сыбызгъы.
Бир абыннган – минг сюрюнюр.
Ётюрюкню башын керти кесер.
Къуру гыбыт бек дыгъырдар.
Кюлме джашха – келир башха.
Этни да ашады, бетни да ашады.
Джашны джигитлиги сорулур, къызны джигерлиги сорулур.
Ойнай-ойнай кёз чыгъар.
Кёл – къызбай, къол – батыр.
Шайтан алдады, тюзлюк къаргъады.
Ётген ёмюр – акъгъан суу.

Логин:	Регистрация

Пароль:	Забыли пароль?

Запомнить меня

Аудио

Узденов Сапар

Скачать

Адрес