Аудио :: Аудио:: Узденов Сапар

Къартха ушагъан джаш – акъыллы, джашха ушагъан къарт – тели.
Терек ауса, отунчу – кёб.
Урама да – ёледи, сатама да – келеди.
Нарт сёз къарт болмаз.
Асхат ашлыкъ сата, юйдегиси ачдан къата.
Айраннга суу къош, телиге джол бош.
Таукел къуру къалмаз.
Ким бла джюрюсенг, аны кёзю бла кёрюнюрсе.
Суугъа – чабакъ, къаягъа – ыргъакъ.
Эл тойса, тоймагъан, эл къойса, къоймагъан.
Тели турса – той бузар.
Аууз сакълагъан – джан сакълар.
Алгъанда – джууукъ, бергенде – джау.
Аджалсыз ёлюм болмаз.
Кютгени беш эчки, сызгъыргъаны уа, джерни джарады.
Ушамагъан – джукъмаз.
Эртде тургъан бла эртде юйленнген сокъуранмаз.
Халкъны джырын джырласанг, халкъ санга эжиу этер.
Алтыннга тот къонмаз.
Махтаннган къыз, тойда джукълар.
Уллу айтханны этмеген – уллаймаз.
Акъыл бла адеб эгизледиле.
Ашыкъгъанны этеги бутуна чырмалыр.
Ашхы болсанг, атынг чыгъар, аман болсанг, джанынг чыгъар.
Шайтан алдады, тюзлюк къаргъады.
Гугук кесини атын айтыб къычыргъанча, мен, мен деб нек тураса?
Аман адам элни бир-бирине джау этер.
Адамны аманы адамны бети бла ойнар.
Ханнга да келеди хариблик.
Сёз къанатсыз учар.
Татлы сёз – балдан татлы.
Ата Джуртун танымагъан, атасын да танымаз.
Кечеси – аяз, кюню – къыш, джарлы къаргъагъа бир аш тюш!
Бастасын ашагъан, хантусун да ичер.
Бет бетге къараса, бет да джерге къарар.
Адамны сабийин сюйген джюреги, бычакъча, джитиди.
Къарт бла баш аша, джаш бла аякъ аша.
Къазанчы аман болса, къазаны къайнамаз.
Юй ишлеген балта эшикде къалыр.
Джогъун бар этген, барын бал этген.
Къарны аманнга къазан такъдырма, къолу аманнга от джакъдырма.
Окъумагъан сокъурду, сокъур ташха абыныр!
Ёксюзню къалачы уллу кёрюнюр.
Ач къарынны, токъ билмез
Эринчекни эр алмаз, эр алса да, кёл салмаз, кёл салса да, кёб бармаз!
Баш болса, бёрк табылыр.
Джюрекден джюрекге джол барды.
Байны къызы баймакъ болса да, юйде къалмаз!
Ариу сёз – къылычдан джити.
Окъугъан – асыу, окъумагъан – джарсыу.

Логин:	Регистрация

Пароль:	Забыли пароль?

Запомнить меня

Аудио

Узденов Сапар

Скачать

Адрес