Аудио :: Аудио:: Созаруков Дахир

Чомарт къолда мал къалмаз.
Чомарт къонакъ юй иесин сыйлар.
Бал чибинни ургъаны – ачы, балы – татлы.
Кёб ант этген, кёб ётюрюк айтыр.
Ашха уста, юйюнде болсун
Чомартны къолу берекет.
Акъыл аздырмаз, билим тоздурмаз.
Къаллай салам берсенг, аллай джууаб алырса.
Кёб къычыргъандан – къоркъма, тынч олтургъандан – къоркъ.
Ашхы сёз таш тешер.
Ёзденликни кёбю ётюрюк.
Чомартны къолун джокълукъ байлар.
Ач да бол, токъ да бол – намысынга бек бол.
Къызгъанчдан ычхыныр, мухардан ычхынмаз.
Джарлы тюеге минсе да, ит къабар.
Алма терегинден кери кетмез.
Тау башында, тау болмаз, джангыз терек, бау болмаз.
Чыкълы кюнде чыкъмагъан, чыкъса къуру кирмеген.
Биреуге аманлыкъны тилеме да, кесинге ашхылыкъны тиле.
Хазыр ашха – терен къашыкъ.
Акъыллы эркиши атын махтар, акъылсыз эркиши къатынын махтар.
Башынга джетмегенни сорма.
Урама да – ёледи, сатама да – келеди.
Малны кют, джерни тюрт.
Ашлыкъны арба юйге келтирир, чана базаргъа элтир.
Биреу ашаб къутулур, биреу джалаб тутулур.
Билимли ёлмез, билимсиз кёрмез.
Ётген ёмюр – акъгъан суу.
Мухардан ач ычхынмаз.
Билими азны – ауузунда кирит.
Бек анасы джыламаз.
Алтыннга тот къонмаз.
Акъдан къара болмаз.
Джангызны оту джарыкъ джанмаз!
Эл ауузу – элия.
Чомартха Тейри да борчлуду.
Элиб деген, элге болушур.
Эли джокъну – кёлю джокъ.
Аманнга игилик этсенг, юйюнге сау бармазса.
Ашарыкъда сайлагъаннга – чий гырджын.
Чакъырылмагъан джерге барма, чакъырылгъан джерден къалма.
Адам бла мюлк юлешмеген эсенг, ол адамны билиб бошагъанма, деб кесинги алдама.
Байны къызы баймакъ болса да, юйде къалмаз!
Чабакъ башындан чирийди.
Аман эсирсе, юйюн ояр.
Бир онгсуз адам адет чыгъарды, деб эштирик тюлсе.
Джырчы ёлсе, джыры къалыр.
Таула не мийик болсала да, аууш табылыр.
Иесиз малны бёрю ашар.
Сабыр джетер муратха, сабырсыз къалыр уятха.

Логин:	Регистрация

Пароль:	Забыли пароль?

Запомнить меня

Аудио

Созаруков Дахир

Скачать

Адрес