Аудио :: Аудио:: Созаруков Дахир

Ауурну тюбю бла, дженгилни башы бла джюрюген.
Суу да къайтады чыкъгъан джерине.
Аш иеси бла татлыды.
Башланнган иш битер, къымылдагъан тиш тюшер.
Ойнай билмеген, уруб къачар.
Тёзгеннге, джабылгъан эшик ачылыр.
Къолунгдан къуймакъ ашатсанг да, атаны борчундан къутулмазса.
Хансыз джомакъ болмаз.
Тёрдеги кюлсе, эшикдеги ышарыр.
Биреуге аманлыкъны тилеме да, кесинге ашхылыкъны тиле.
Сёз сёзню айтдырыр.
Сакъалы текени да бар, мыйыгъы киштикни да бар.
Кёбню кёрген – кёб билир.
Къарнынг ауруса, ауузунгу тый
Тил джюрекге джол ишлейди.
Сагъыш – къартлыкъгъа сюйюмчю.
Ачны эсинде – аш.
Къумурсхала джыйылсала, пилни да джыгъадыла.
Ёпкелегенни ашы татлы болады.
Адамны аманы адамны бети бла ойнар.
Джашлыкъ этмеген, башлыкъ этмез.
Билими азны – ауузунда кирит.
Кёб джат да, бек чаб.
Байны къызы баймакъ болса да, юйде къалмаз!
Ата Джуртун танымагъан, атасын да танымаз.
Айырылмаз джууугъунга, унутмаз сёзню айтма.
Чакъырылмагъан къонакъ – орунсуз.
Босагъа таш юйге кирмей эди, тыбыр таш эшикге чыкъмай эди.
Керти сёзге тёре джокъ.
Аллахха ийнаннган кишини, Аллах онгдурур ишин.
Суугъа – таянма, джаугъа – ийнанма.
Соргъан айыб тюлдю, билмеген айыбды.
Джыгъылгъанны сырты джерден тоймаз.
Джырына кёре эжиую.
Мен да «сен», дейме, сен да «кесим», дейсе.
Уллу сёзде уят джокъ.
Акъыллы эркиши атын махтар, акъылсыз эркиши къатынын махтар.
Бек анасы джыламаз.
Кютгени беш эчки, сызгъыргъаны уа, джерни джарады.
Джашда акъыл джокъ, къартда къарыу джокъ.
Атадан ёксюз – бир ёксюз, анадан ёксюз – эки ёксюз.
Эм ашхы къайын ана мамукъ бла башынгы тешер.
Бир онгсуз адам адет чыгъарды, деб эштирик тюлсе.
Халкъгъа джарагъан, джарлы къалмаз.
Узун джолну барсанг, бюгюн келирсе, къысха джолну барсанг, тамбла келирсе.
Ким бла джюрюсенг, аны кёзю бла кёрюнюрсе.
Билим ат болуб да чабар, къуш болуб да учар.
Аджаллыгъа окъсуз шкок атылыр.
Джюрекге ариу – кёзге да ариу.
Тау башында, тау болмаз, джангыз терек, бау болмаз.

Логин:	Регистрация

Пароль:	Забыли пароль?

Запомнить меня

Аудио

Созаруков Дахир

Скачать

Адрес