Песен: 63 Создан:
06.05.2015 Обновлен:
06.05.2015
| 17 Сентября | 2024 года |
Навигация
- «Ёгюз, джаргъа джууукъ барма, меннге джюк боллукъса», - дегенди эшек.
- Мухарны эси – ашарыкъда.
- Ач – эснер, ат – кишнер.
- Киштикге къанат битсе, чыпчыкъ къалмаз эди.
- Сёз – кюмюш, джыр – алтын.
- Бети бедерден, намыс сакълама.
- Къызны минг тилер, бир алыр.
- Аман адамны тепсинге олтуртсанг, къызынгы тилер.
- Ауругъаннга – кийик саулукъ, джетген къызгъа – чилле джаулукъ.
- Махтаннган къыз, тойда джукълар.
- Эки къатын алгъан – эки ташны ортасына башын салгъан.
- Ашхы тенг джолгъа салыр, аман тенг джолдан тайдырыр.
- Сабийни джумушха джибер да, ызындан бар.
- Эл бла кёргенинг эрелей.
- Ишлегенде эринме, ишде чолакъ кёрюнме.
- Адеб базарда сатылмаз.
- Эм ашхы къайын ана мамукъ бла башынгы тешер.
- Окъуу – билимни ачхычы, окъуу – дунияны бачхычы.
- Тиширыусуз юй – отсуз от джагъа.
- Кесинг сынамагъан затны, адамгъа буюрма.
- Гугук кесини атын айтыб къычыргъанча, мен, мен деб нек тураса?
- Бети – къучакълар, джюреги – бычакълар.
- Мал ёлсе, сюек къалыр, адам ёлсе, иши къалыр.
- Эм уллу байлыкъ – джан саулукъ.
- Башланнган иш битер, къымылдагъан тиш тюшер.
- Эринчекни эр алмаз, эр алса да, кёл салмаз, кёл салса да, кёб бармаз!
- Аджаллыгъа окъсуз шкок атылыр.
- Элге къуллукъ этмеген, элге ие болмаз.
- Чабакъгъа акъыл, табагъа тюшсе келеди.
- Битмегеннге сакъал – танг.
- Къарны аманнга къазан такъдырма, къолу аманнга от джакъдырма.
- Кёзню ачылгъаны – иги, ауузну джабылгъаны – иги.
- Джюрекден джюрекге джол барды.
- Джырчы джырчыгъа – къарнаш.
- Эркишини аманы тиширыуну джылатыр.
- Сабийликде юретмесенг, уллу болса – тюзелмез.
- Къартны бурнун сюрт да, оноугъа тут.
- Кёзюнде тереги болгъан, чёбю болгъаннга кюле эди.
- Джетген къыз джерли эшекни танымаз.
- Тёрдеги кюлсе, эшикдеги ышарыр.
- Атлыны ашхысы, ат тизгининден билинир
- Ачылгъан эт джабылыр, кёрген кёз унутмаз.
- Тамбла алтындан бюгюн багъыр ашхы.
- Юреннген ауруу къалмаз.
- Суугъа – таянма, джаугъа – ийнанма.
- Билимсиз иш бармаз.
- Тамчы таш тешер.
- Эли джокъну – кёлю джокъ.
- Билим насыб берир, билим джолну керир.
- Байлыкъ келсе, акъыл кетер.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
