Аудио :: Аудио:: Харс (группа)

Уллу суу бла уллу ауруудан башынгы сакъла.
Магъанасыз сёз – тауушсуз сыбызгъы.
Джырчы ёлсе, джыры къалыр.
Ариу сёз – къылычдан джити.
Ач къарным, тынч къулагъым.
Аман хансны – урлугъу кёб.
Тюз сёз баргъан сууну тыяр.
Сакъ юйюне сау барыр.
Арбаз сайлама да, хоншу сайла.
Хата – гитчеден.
Ургъан суудан башынгы сакъла.
Джырына кёре эжиую.
Абынмазлыкъ аякъ джокъ, джангылмазлыкъ джаякъ джокъ.
Ач къарынны, токъ билмез
Орундукъ тюбюнде атылсам да, орта джиликме, де да айлан.
Айтылгъан сёз ызына къайтмаз.
Эри аманны, къатыны – аман.
Сибиртки да сыйлы болду, кюрек да кюнлю болду.
Тюзню ётмеги тюзде къалса да, тас болмаз.
Ауругъан – джашаудан умутчу.
Керилген да, ургъан кибикди.
Кёрмегеннге кебек – танг, битмегеннге сакъал – танг.
Миллетни бойну – базыкъ, аны бла кюрешген – джазыкъ.
Чакъырылмай келген къонакъ сыйланмай кетер.
Аджашхан тёгерек айланыр.
Ёнгкюч къууана барыр, джылай келир.
Сютден ауузу кюйген, суугъа юфгюре эди.
Сабий кёргенин унутмаз.
Алма терегинден кери кетмез.
Эринчекни аурууу – кёб.
Керек ташны ауурлугъу джокъ.
Биреу къой излей, биреу той излей.
Хантына кёре тузу, юйюне кёре къызы.
Аманнга игилик этсенг, юйюнге сау бармазса.
Къар – келтирди, суу – элтди.
Джарлы тюеге минсе да, ит къабар.
Уллу атлама – абынырса, уллу къабма – къарылырса.
Ётюрюкню башын керти кесер.
Билгенни къолу къарны джандырыр.
Чабакъгъа акъыл, табагъа тюшсе келеди.
Иши джокъну, сыйы джокъ.
Зар адам ашынгы ашар, кесинги сатар.
Аман адам элни бир-бирине джау этер.
Харам къарнашдан, халал тенг ашхы.
Тилсиз миллет джокъ болур.
Бир онгсуз адам адет чыгъарды, деб эштирик тюлсе.
Билимли ёлмез, билимсиз кёрмез.
Тенги кёбню джау алмаз, акъылы кёбню дау алмаз.
Къарнынг бла ёч алма.
Билеги кючлю, бирни джыгъар, билими кючлю, мингни джыгъар.

Логин:	Регистрация

Пароль:	Забыли пароль?

Запомнить меня

Аудио

Харс (группа)

Скачать

Адрес