Аудио :: Аудио:: Иги сёзню бичакъ кесмез

Джогъун бар этген, барын бал этген.
Чабакъгъа акъыл, табагъа тюшсе келеди.
Къолу уллу – асыу, аягъы уллу – джарсыу.
Ачылгъан эт джабылыр, кёрген кёз унутмаз.
Арбаз сайлама да, хоншу сайла.
Эл бла кёргенинг эрелей.
Мухардан ач ычхынмаз.
Итли къонакъ джарашмаз.
Джахил болса анасы, не билликди баласы?
Билими азны – ауузунда кирит.
Джангыз торгъай джырламаз.
Ишлемеген – тишлемез.
Къартны бурнун сюрт да, оноугъа тут.
Биреуню къыйынлыгъы бла кесинге джол ишлеме.
Аман адам этегингден тутса, кес да къач.
Душманны тышы – акъ, ичи – къара.
«Ма», - дегенни билмесенг, «бер», - дегенни билмезсе.
Билгенни къолу къарны джандырыр.
Чакъырылмагъан къонакъ – орунсуз.
Илму – джашауну джолу.
Сормай – алма, чакъырылмай – барма.
Халкъны юйю – туугъан джери.
Ётюрюк хапар аякъ тюбю бла джюрюйдю.
Джарлыны тону джаз битер.
Орундукъ тюбюнде атылсам да, орта джиликме, де да айлан.
От этилмеген джерден тютюн чыкъмайды.
Адамны артындан къара сабан сюрме.
Къызбайны юйюне дери сюрсенг, батыр болур.
Танг атмайма десе да, кюн къоярыкъ тюйюлдю.
Иесиз малны бёрю ашар.
Биреу къой излей, биреу той излей.
Тюкюрюк баш джармаз, налат кёз чыгъармаз!
Аманнга алтын чыдамаз.
Ата Джуртча джер болмаз, туугъан элча эл болмаз.
Насыблы элин сюер, насыбсыз кесин сюер.
Бёрю да ач къалмасын, эчки да ашалмасын.
Билимден уллу байлыкъ джокъду.
Кёл ашады да, кеси ашады.
Ашын ашагъанынгы, башын да сыйла.
Биреуге кёлтюрген таягъынг, кесинги башынга урур.
Адам къыйынлыгъын кёлтюрюр, зауукълугъун кёлтюрмез.
Тыш элде солтан болгъандан эсе, кесинги элде олтан болгъан игиди!
Рысхы – сют юсюнде кёмюк кибикди.
Эки итни арасына сюек атма, эки адамны арасында сёз чыгъарма.
Джарашыу сюйген – джалынчакъ.
Сёз садакъдан кючлюдю.
Агъач халкъгъа алтынды, иссиликге салкъынды.
Акъдан къара болмаз.
Рысхы джалгъанды: келген да этер, кетген да этер.
Уруну арты – къуру.

Логин:	Регистрация

Пароль:	Забыли пароль?

Запомнить меня

Аудио

Иги сёзню бичакъ кесмез

Скачать

Адрес