Песен: 45 Создан:
01.12.2017 Обновлен:
01.12.2017
| 22 Мая | 2025 года |
Навигация
- Эркишини аманы тиширыуну джылатыр.
- Къартха ушагъан джаш – акъыллы, джашха ушагъан къарт – тели.
- Къолу уллу – асыу, аягъы уллу – джарсыу.
- Джиби бир къат джетмей эди да, эки къат тарта эди.
- Зар адам ашынгы ашар, кесинги сатар.
- Ашхы – джыяр, аман – джояр.
- Бичгенде ашыкъма, тикгенде ашыкъ.
- Телиге от эт десенг, юйюнге от салыр.
- Къралынгы – душмандан, башынгы от бла суудан сакъла.
- Тойгъан джерге джети къайт.
- Хазыр ашха – терен къашыкъ.
- Окъугъан – асыу, окъумагъан – джарсыу.
- Ауругъан – джашаудан умутчу.
- Бал – татлы, балдан да бала – татлы.
- Аманны къуугъан, аманлыкъ табар.
- Ёлген аслан – сау чычхан.
- Ашын ашагъанынгы, башын да сыйла.
- Билим насыб берир, билим джолну керир.
- Ашыкъгъан cуу, тенгизге джетмез.
- Орундукъ тюбюнде атылсам да, орта джиликме, де да айлан.
- Кийимни бир кюнню аясанг, минг кюннге джарар.
- Къошда джокъгъа – юлюш джокъ.
- Аман эсирсе, юйюн ояр.
- Насыб бютеу халкъны юлюшюдю.
- Эл ауузу – элия.
- Айныгъанлы алты кюн, тогъайгъанлы тогъуз кюн.
- Болджал ишни бёрю ашар.
- Айран ичген – къутулду, джугъусун джалагъан – тутулду.
- Эркиши – от, тиширыу – суу.
- Окъумагъан сокъурду, сокъур ташха абыныр!
- Азыкълы ат арымаз, къатыны аман джарымаз.
- Къатын байлыкъны сюер, эр саулукъну сюер.
- Окъугъан озар, окъумагъан тозар.
- Къолунгдан къуймакъ ашатсанг да, атаны борчундан къутулмазса.
- Атынг аманнга чыкъгъандан эсе, джанынг тамагъынгдан чыкъсын.
- Къоркъакъны кёзю экили кёрюр.
- Чёбню кёлтюрсенг, тюбюнден сёз чыгъар.
- Сангырау къулакъ эл бузар.
- Тюзлюк шохлукъну бегитир.
- Къыйынлы джети элни къайгъысын этер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Узун джолну барсанг, бюгюн келирсе, къысха джолну барсанг, тамбла келирсе.
- Алим болгъандан эсе, адам болгъан къыйынды.
- Джаханимни кёрмей, джандетге кёл салмазса.
- Аман адамны тепсинге олтуртсанг, къызынгы тилер.
- Сагъышы джокъ – джукъучу, акъылы джокъ – къаугъачы.
- Нарт сёз – тилни бети.
- Элде адам къалмаса, ит тахтагъа минер.
- Ишни аллы бла къууанма да, арты бла къууан.
- Сыфатында болмагъаны, суратында болмаз.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
