Песен: 8 Создан:
16.03.2017 Обновлен:
29.01.2018
| 26 Апреля | 2024 года |
Навигация
- Къыз тиширыу кеси юйюнде да къонакъды.
- Ётюрюкден тюбю джокъ, кёлтюрюрге джиби джокъ.
- Кёзню ачылгъаны – иги, ауузну джабылгъаны – иги.
- Тели турса – той бузар.
- Сагъышы джокъ – джукъучу, акъылы джокъ – къаугъачы.
- Таукел адам тау тешер.
- Чомарт къолда мал къалмаз.
- Уллу къазанда бишген эт, чий къалмаз.
- Ата – баланы уясы.
- Башы джабылгъан челекге, кир тюшмез.
- Алтыда кюлмеген, алтмышда кюлмез.
- Мал ёлсе, сюек къалыр, адам ёлсе, иши къалыр.
- Адамны сыфатына къарама, сёзюне къара.
- Билим къая тешер.
- Къар – келтирди, суу – элтди.
- Адеб этмеген, адеб кёрмез.
- Таш ата билмеген, башына урур.
- Чакъырылмагъан къонакъ къачан кетерин сормаз.
- Къонагъынгы артмагъын алма да, алгъышын ал.
- Кюлме джашха – келир башха.
- Къонакъ болсанг, ийнакъ бол.
- Байлыкъ болгъан джерде, тынчлыкъ джокъду.
- Окъ къызбайны джокълайды.
- Окъдан джара эртде-кеч болса да бителир, сёз джара, ёмюрге къалыр.
- Тилчиден кери бол.
- Агъач халкъгъа алтынды, иссиликге салкъынды.
- Айранын берсенг, челегин да къызгъанма.
- Байлыкъ келсе, акъыл кетер.
- Кёкдеги болмаса, джердегин кёрмейди.
- Ашда – бёрю, ишде – ёлю.
- Ашхы тенг джолгъа салыр, аман тенг джолдан тайдырыр.
- Къайтырыкъ эшигинги, къаты уруб чыкъма.
- Абынмазлыкъ аякъ джокъ, джангылмазлыкъ джаякъ джокъ.
- Ишлемеген – тишлемез.
- Сютден ауузу кюйген, суугъа юфгюре эди.
- Биреуню эскиси биреуге джангы болмайды.
- Къарнынг тойгъунчу аша да, белинг талгъынчы ишле.
- Иесиз малны бёрю ашар.
- Азыкъ аз болса, эртде орун сал.
- Тик ёргени, тик энгишгеси да болады.
- Биреуге кёлтюрген таягъынг, кесинги башынга урур.
- Атынг аманнга чыкъгъандан эсе, джанынг тамагъынгдан чыкъсын.
- Чомартны къолу берекет.
- Ёксюзню къалачы уллу кёрюнюр.
- Бети – къучакълар, джюреги – бычакълар.
- Сёз садакъдан кючлюдю.
- Арба аугъандан сора, джол кёргюзтюучю кёб болур.
- Ишни ахырын ойламай, аллын башлама.
- Джарлыны тону джаз битер.
- Айтылгъан буйрукъ, сёгюлмез
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
