Аудио :: Аудио:: Мени юйюм джулдузлагъа джууукъду (назмула)

Ёпкелегенни ашы татлы болады.
Мал тутхан – май джалар.
Кёбню кёрген – кёб билир.
Кёл ашады да, кеси ашады.
Билим ат болуб да чабар, къуш болуб да учар.
Билмезни кёзю кёрмез, этмезни къулагъы эшитмез.
Къар – келтирди, суу – элтди.
Юреннген ауруу къалмаз.
Таш бла ургъанны, аш бла ур.
Эки къатын алгъан – эки ташны ортасына башын салгъан.
Ойнаб айтсанг да, эслеб айт.
Къая джолда джортма, ачыкъ сёзден къоркъма.
Ашатыргъа иш – ашхы, ишлетирге аш – ашхы.
Ат да турмайды бир териде.
Кютгени беш эчки, сызгъыргъаны уа, джерни джарады.
Байлыкъ адамны сокъур этер.
Чабакъгъа акъыл, табагъа тюшсе келеди.
Тойгъандан сора, ашны сёкме.
От кюйдюрген, сау болса да, тот кюйдюрген, сау болмаз.
Элде адам къалмаса, ит тахтагъа минер.
Къууут – джелге, берне – бошха.
Тенги кёбню джау алмаз, акъылы кёбню дау алмаз.
Ашын ашагъанынгы, башын да сыйла.
Башланнган иш битер, къымылдагъан тиш тюшер.
Билмейме деген – бир сёз
Ариу сёз джыланны орнундан чыгъарыр.
Сормай – алма, чакъырылмай – барма.
Айтхан – тынч, этген – къыйын.
Уллу къашыкъ эрин джыртар.
Гитче джилтин уллу элни джандырыр.
Чакъырылмагъан къонакъ тёрге атламаз.
Хар сёзню орну барды.
Ашда уялгъан – мухар, ишде уялгъан – хомух.
Къарын къуру болса, джюрек уру болур.
Джерни букъусу кёкге къонмаз.
Атадан ёксюз – бир ёксюз, анадан ёксюз – эки ёксюз.
Ойнай-ойнай кёз чыгъар.
Къызны минг тилер, бир алыр.
Кёзню ачылгъаны – иги, ауузну джабылгъаны – иги.
Кёзюнде тереги болгъан, чёбю болгъаннга кюле эди.
Джиби бир къат джетмей эди да, эки къат тарта эди.
Сёз – кюмюш, джыр – алтын.
Хар ишни да аллы къыйынды.
Телини эшигин, махтау джабар.
Сютден ауузу кюйген, суугъа юфгюре эди.
Адамны бетине къарама, адетине къара.
Юй ишлеген балта эшикде къалыр.
Тилчи тилден къаныкъмаз.
Ачлыкъ отха секиртир.
Башсыз урчукъ тюзюне айланмаз.

Логин:	Регистрация

Пароль:	Забыли пароль?

Запомнить меня

Аудио

Мени юйюм джулдузлагъа джууукъду (назмула)

Скачать

Адрес