Песен: 24 Создан:
11.06.2016 Обновлен:
29.01.2018
| 26 Апреля | 2024 года |
Навигация
- Аджалсыз ёлюм болмаз.
- Юйлю уругъа ит чабмаз.
- Кёбге таш атма.
- Джумушакъ терекни къурт ашар.
- Кёб къычыргъандан – къоркъма, тынч олтургъандан – къоркъ.
- Къонагъы джокъну – шоху джокъ.
- Кёбден умут этиб, аздан къуру къалма.
- Ишни ахырын ойламай, аллын башлама.
- Мадар болса, къадар болур.
- Бал чибинни ургъаны – ачы, балы – татлы.
- Зар адам ашынгы ашар, кесинги сатар.
- Башсыз урчукъ тюзюне айланмаз.
- Таукелге нюр джауар.
- Чомартны къолун джокълукъ байлар.
- Окъуу – билимни ачхычы, окъуу – дунияны бачхычы.
- Ишге юренсин къоллары, халкъ бла болсун джоллары.
- Ашына кёре табагъы, балына кёре къалагъы.
- Байма, деб да, къууанма, джарлыма, деб да, джылама.
- Ашлыкъ – бюртюкден, джюн – тюкден.
- Эринчекни эр алмаз, эр алса да, кёл салмаз, кёл салса да, кёб бармаз!
- Таукел адам тау тешер.
- Насыблы элин сюер, насыбсыз кесин сюер.
- Рысхысына кёре, джаш ёсер, къышлыгъына кёре, мал ёсер.
- Кёбню кёрген – кёб билир.
- Айтылгъан сёз ызына къайтмаз.
- Намысы джокъну – дуниясы джокъ.
- Айтханы чапыракъдан ётмеген.
- Чёбню кёлтюрсенг, тюбюнден сёз чыгъар.
- Ач да бол, токъ да бол – намысынга бек бол.
- Джаным-тиним – окъуу, билим.
- Байлыкъ адамны сокъур этер.
- Къарт айтханны этмеген, къартаймаз.
- Зар адамны насыбы болмаз.
- Халкъны юйю – туугъан джери.
- Чыбыкълыкъда бюгюлмеген, къазыкълыкъда бюгюлмей эди.
- От этилмеген джерден тютюн чыкъмайды.
- Кёзю сокъурдан – къоркъма, кёлю сокъурдан – къоркъ.
- Дженгил джетерикме деб, узун джолну къоюб, къысхасын барма.
- Этим кетсе да, сюегим къалыр.
- Джылкъыдан – ат чыгъар, тукъумдан – джаш чыгъар.
- Тешигини къатында, чычхан да батыр болур.
- Ата джурт – алтын бешик.
- Тамырсыз терекге таянма – джыгъылырса.
- Ат да турмайды бир териде.
- Ётюрюкден тюбю джокъ, кёлтюрюрге джиби джокъ.
- Дуния малгъа сатылма, кесингден телиге къатылма.
- Чакъырылмагъан къонакъ – орунсуз.
- Ёлген эшек бёрюден къоркъмайды.
- Дуния аламаты сен эсенг да, игиме деб айтма.
- Тилчи бир сагъатха айлыкъ хата этер.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
