Песен: 5 Создан:
12.05.2016 Обновлен:
12.05.2016
| 26 Июля | 2024 года |
Навигация
- Ауузу аманнга «иги», деме.
- Башы джабылгъан челекге, кир тюшмез.
- Акъыл аздырмаз, билим тоздурмаз.
- Кёбню кёрген – кёб билир.
- Болджал ишни бёрю ашар.
- Эринчекни эр алмаз, эр алса да, кёл салмаз, кёл салса да, кёб бармаз!
- Нарт сёз къарт болмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Джашлыкъ этмеген, башлыкъ этмез.
- Арыгъан къош чамчы болур.
- Ауругъан – джашаудан умутчу.
- Билим къая тешер.
- Биреуню тёрюнден, кесинги эшик артынг игиди.
- Ёгюзню мюйюзлери ауурлукъ этмейдиле.
- Тёрде – темир таякълы, къаяда – чыпчыкъ аякълы.
- Къанны къан бла джуума, аманны аман бла къуума.
- Ат да турмайды бир териде.
- Къартны бурнун сюрт да, оноугъа тут.
- Терек ауса, отунчу – кёб.
- Ашда – бёрю, ишде – ёлю.
- Къууут – джелге, берне – бошха.
- Къатын къылыкъсыз, эр тынчлыкъсыз.
- Тойгъандан сора, ашны сёкме.
- Агъач – джерни чырайы, кийим – эрни чырайы.
- Окъдан джара эртде-кеч болса да бителир, сёз джара, ёмюрге къалыр.
- Эринчекге кюн узун.
- Эки ойлашыб, бир сёлешген.
- Хата – гитчеден.
- Экиндини кеч къылсанг, чабыб джетер ашхам.
- Къарт айтханны этмеген, къартаймаз.
- Аш хазыр болса, иш харам болур.
- Чыбыкълыкъда бюгюлмеген, къазыкълыкъда бюгюлмей эди.
- Ач да бол, токъ да бол – намысынга бек бол.
- Джерни букъусу кёкге къонмаз.
- Ашха уста, юйюнде болсун
- Билеги кючлю, бирни джыгъар, билими кючлю, мингни джыгъар.
- Кеси юйюмде мен да ханма.
- Чабакъ башындан чирийди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Алим болгъандан эсе, адам болгъан къыйынды.
- Гырджын – тепсини тамадасы.
- Эртде тургъан джылкъычыны эркек аты тай табар.
- Экеу тутушса, биреу джыгъылыр.
- Кёлю джокъну – джолу джокъ.
- Кёбге таш атма.
- Джарлыны тону джаз битер.
- Ашхы – джыяр, аман – джояр.
- Аш берме да, къаш бер.
- Тиширыусуз юй – отсуз от джагъа.
- Ётюрюк хапар аякъ тюбю бла джюрюйдю.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
