Аудио :: Аудио:: Апсатыны конагъы

Хазыр ашха – терен къашыкъ.
Къралынгы – душмандан, башынгы от бла суудан сакъла.
Алтыннга тот къонмаз.
Кёзден кетген, кёлден да кетеди.
Мухарны эси – ашарыкъда.
Киштикге къанат битсе, чыпчыкъ къалмаз эди.
Эр абынмай, эл танымаз.
Билим ат болуб да чабар, къуш болуб да учар.
Ариу сёз – къылычдан джити.
Джаш болсун, къыз болсун, акъылы, саны тюз болсун.
Адамгъа аман кюн соруб келмейди.
Ауузу бла къуш тута айланады.
Тешик этген тынчды, аны джамагъан къыйынды.
Акъыллы – эл иеси, тели – эл баласы.
Бетинги сатма, малынгы сат.
Къанны къан бла джуума, аманны аман бла къуума.
Акъдан къара болмаз.
Къалгъан ишге къар джауар.
Эл ауузу – элия.
Кёл – къызбай, къол – батыр.
Ашхылыкъ джерде джатмайды, аманлыкъ суугъа батмайды.
Къатын байлыкъны сюер, эр саулукъну сюер.
Сёз сёзню айтдырыр.
Баргъанынга кёре болур келгенинг.
Джумушакъ сёз къаты таякъны сындырыр.
Адамны артындан къара сабан сюрме.
Джарашыу сюйген – джалынчакъ.
Ач уят къоймаз.
Бюгюн дуния кибик, тамбла ахыратды.
Эл элде бирер малынг болгъандан эсе, бирер тенгинг болсун.
Тойчу джашха къарама, къойчу джашха къара.
Ач келгенни – тойдур, кеч келгенни – къондур.
Насыблы элин сюер, насыбсыз кесин сюер.
Эрине къаргъыш этген къатын, эрнин къабар.
Адеб джокъда, намыс джокъ.
Таукелге нюр джауар.
Бозаны арты дауур болур.
Ачлыкъда тары гырджын халыуадан татлы.
Ишин билген, аны сыйын чыгъарады.
Аз айтсам, кёб ангылагъыз.
Хатерли къул болур.
Намыс сатылыб алынмайды.
Чомартны къолу берекет.
Чомартны къолун джокълукъ байлар.
Ёксюзню къалачы уллу кёрюнюр.
Билими азны – ауузунда кирит.
Къарт айтханны этмеген, къартаймаз.
Акъыл аздырмаз, билим тоздурмаз.
Иги адамны бир сёзю эки болмаз.
Юй кюйдю да, кюйюз чыкъды, ортасындан тюйюш чыкъды.

Логин:	Регистрация

Пароль:	Забыли пароль?

Запомнить меня

Аудио

Апсатыны конагъы

Скачать

Адрес