Аудио :: Аудио:: Апсатыны конагъы

Акъыл сабырлыкъ берир.
Кюл тюбюндеги от кёрюнмейди.
Артына баргъанны, къатына барма.
Ач къалгъандан, кеч къалгъан къолай.
Ишлемеген – тишлемез.
Эр абынмай, эл танымаз.
Агъач – джерни чырайы, кийим – эрни чырайы.
Ач, тоймам, дейди, тойгъан, ач болмам, дейди.
Акъыл неден да кючлюдю.
Билимли ёлмез, билимсиз кёрмез.
«Ёгюз, джаргъа джууукъ барма, меннге джюк боллукъса», - дегенди эшек.
Мал кёб болса, джууукъ кёб болур.
Арбаз къынгырды да, ийнек сауалмайма.
Ауругъаннга – кийик саулукъ, джетген къызгъа – чилле джаулукъ.
Акъыл къартда, джашда тюйюлдю – башдады.
Биреуню эскиси биреуге джангы болмайды.
Кёбню кёрген – кёб билир.
Кёб ант этген, кёб ётюрюк айтыр.
Чакъырылмагъан къонакъ тёрге атламаз.
Къоркъакъны кёзю экили кёрюр.
Эркишини аманы тиширыуну джылатыр.
Босагъагъа джууукъ орун болса, ашыгъыб тёрге озма.
Ишлегенде эринме, ишде чолакъ кёрюнме.
Нафысынгы айтханын этме, намысынгы айтханын эт.
Минг тенг да азды, бир джау да кёбдю.
Аманны эки битли тону болур, бирин сеннге кийдирир, бирин кеси киер.
Джогъун бар этген, барын бал этген.
Адеб базарда сатылмаз.
Таякъ этден ётер, тил сюекден ётер.
Ашхы сёз таш тешер.
Ашхы – джыяр, аман – джояр.
Этим кетсе да, сюегим къалыр.
Джаханимни кёрмей, джандетге кёл салмазса.
Билими азны – ауузунда кирит.
Таукел адам тау тешер.
Азыкъ аз болса, эртде орун сал.
Кечеси – аяз, кюню – къыш, джарлы къаргъагъа бир аш тюш!
Бозанг болмагъан джерге, къалагъынгы сукъма.
Къазанда болса, чолпугъа чыгъар.
Намыс сатылыб алынмайды.
Аман киши кеси юйюнде – къонакъ.
Зарда марда джокъ.
Кёбден умут этиб, аздан къуру къалма.
Окъдан джара эртде-кеч болса да бителир, сёз джара, ёмюрге къалыр.
Аманнга алтын чыдамаз.
Мен да «сен», дейме, сен да «кесим», дейсе.
Сабыр джетер муратха, сабырсыз къалыр уятха.
Суу ичген шауданынга тюкюрме.
Джыгъылгъанны сырты джерден тоймаз.
Иши джокъну, сыйы джокъ.

Логин:	Регистрация

Пароль:	Забыли пароль?

Запомнить меня

Аудио

Апсатыны конагъы

Скачать

Адрес