Аудио :: Аудио:: Джашау джолунгда

Терек ауса, отунчу – кёб.
Адамны аманы адамны бети бла ойнар.
Аджал соруб келмез, келсе, къайтыб кетмез.
Эртде тургъан бла эртде юйленнген сокъуранмаз.
Ауругъаннга – кийик саулукъ, джетген къызгъа – чилле джаулукъ.
Аманны къуугъан, аманлыкъ табар.
Ёнгкюч къууана барыр, джылай келир.
Тамбла алтындан бюгюн багъыр ашхы.
Къая джолда джортма, ачыкъ сёзден къоркъма.
Ойнаб айтсанг да, эслеб айт.
Ётюрюкню башын керти кесер.
Кесинг сынамагъан затны, адамгъа буюрма.
Биреуню къыйынлыгъы бла кесинге джол ишлеме.
Джолунга кёре – джюрюшюнг, джагъанга кёре – юлюшюнг.
Битмегеннге сакъал – танг.
Сакъ юйюне сау барыр.
Джаш болсун, къыз болсун, акъылы, саны тюз болсун.
Кёкдеги болмаса, джердегин кёрмейди.
Кюн кёрмеген, кюн кёрсе, кюндюз чыракъ джандырыр.
Айтхан сёзюне табылгъан.
Къартха ушагъан джаш – акъыллы, джашха ушагъан къарт – тели.
Сютден ауузу кюйген, суугъа юфгюре эди.
Уллу айтханны этмеген – уллаймаз.
Ичимден чыкъды хата, къайры барайым сата?
Айран ичген – къутулду, джугъусун джалагъан – тутулду.
Джырчы джырчыгъа – къарнаш.
Келинни – келгинчи, бёркню кийгинчи кёр.
Юйюнгден чыкъдынг – кюнюнгден чыкъдынг.
Эл ауузу – элек, анга ийнаннган – халек.
Мал кёб болса, джууукъ кёб болур.
Кёз – сюйген джерде, къол – ауругъан джерде.
Ач бёрюге мекям джокъ.
Кесинге джетмегенни, кёб сёлешме.
Чомартха Тейри да борчлуду.
Кёзню ачылгъаны – иги, ауузну джабылгъаны – иги.
Тешик этген тынчды, аны джамагъан къыйынды.
Къарын къуру болса, джюрек уру болур.
Мал тутхан – май джалар.
Адеб базарда сатылмаз.
Зар адамны насыбы болмаз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Элде адам къалмаса, ит тахтагъа минер.
Кенгеш болса, уруш болмаз.
Арбаз сайлама да, хоншу сайла.
Шапа кёб болса, аш татымсыз болур.
Аджалсыз ёлюм болмаз.
Чалманны аллы къалай башланса, арты да алай барады.
Билим – акъылны чырагъы.
Уруну арты – къуру.
Намыс болмагъан джерде, насыб болмаз.

Логин:	Регистрация

Пароль:	Забыли пароль?

Запомнить меня

Аудио

Джашау джолунгда

Скачать

Адрес