Аудио :: Аудио:: Къара кюбюр

Этни да ашады, бетни да ашады.
Джашынгы кесинг юретмесенг, джашау юретир.
Сакъ юйюне сау барыр.
Кёб ант этген, кёб ётюрюк айтыр.
Кюн – узун, ёмюр – къысха.
Ат да турмайды бир териде.
Джаз бир кюнню джатсанг, къыш талай кюнню абынырса.
Джылар джаш, атасыны сакъалы бла ойнар.
Булут кёкге джарашыу, уят бетге джарашыу.
Алтыда кюлмеген, алтмышда кюлмез.
Огъурлуну сёзю – суу, огъурсузну сёзю – уу.
Алгъанда – джууукъ, бергенде – джау.
Айранны сюйген, ийнек тутар.
Къызбайны юйюне дери сюрсенг, батыр болур.
Керти сёзге тёре джокъ.
Джолда аягъынга сакъ бол, ушакъда тилинге сакъ бол.
Мухардан ач ычхынмаз.
Тойгъан джерден туугъан джер игиди.
Акъыл сабырлыкъ берир.
Айыбны суу бла джууалмазса.
Кийимни бичсенг, кенг бич, тар этген къыйын тюлдю.
Бек ашыкъгъан меннге джетсин, дегенди аракъы.
Тил джюрекге джол ишлейди.
Аууздан келген, къолдан келсе, ким да патчах болур эди.
Билимден уллу байлыкъ джокъду.
Сескекли кесин билдирир.
Мухарны эси – ашарыкъда.
Эринчекни эр алмаз, эр алса да, кёл салмаз, кёл салса да, кёб бармаз!
Сагъыш – къартлыкъгъа сюйюмчю.
Ач, тоймам, дейди, тойгъан, ач болмам, дейди.
Кесине гебен этелмеген, биреуге черен эте эди.
Джахил болса анасы, не билликди баласы?
Аман киши кеси юйюнде – къонакъ.
Иги бла джюрюсенг, джетерсе муратынга, аман бла джюрюсенг, къалырса уятха.
Татлы сёз – балдан татлы.
Аманнга игилик этсенг, юйюнге сау бармазса.
Джерни букъусу кёкге къонмаз.
Ойнай билмеген, оюн бузар.
Ачны эсинде – аш.
Суу да къайтады чыкъгъан джерине.
Игилик игилик бла сингдирилиучю затды.
Адеб этмеген, адеб кёрмез.
Эртде тургъан бла эртде юйленнген сокъуранмаз.
Хансыз джомакъ болмаз.
Насыблы элин сюер, насыбсыз кесин сюер.
Накъырда – кертини келечиси.
Татлы тилде – сёз ариу, чемер къолда – иш ариу.
Чакъырылмагъан къонакъ – орунсуз.
Айтхан сёзюне табылгъан.
Сабийни джумушха джибер да, ызындан бар.

Логин:	Регистрация

Пароль:	Забыли пароль?

Запомнить меня

Аудио

Къара кюбюр

Скачать

Адрес