Аудио :: Аудио:: «Волшебный мир сказок»

Ауузу бла къуш тута айланады.
Аманны къуугъан, аманлыкъ табар.
Аурууну келиую тынч, кетиую – къыйын.
Билим – акъылны чырагъы.
Кёкдеги болмаса, джердегин кёрмейди.
Къарнынг бла ёч алма.
Кёбден умут этиб, аздан къуру къалма.
Къонакъ болсанг, ийнакъ бол.
Кюн кёрмеген, кюн кёрсе, кюндюз чыракъ джандырыр.
Билмезни кёзю кёрмез, этмезни къулагъы эшитмез.
Aдам боллукъ, сыфатындан белгили.
Тюкюрюк баш джармаз, налат кёз чыгъармаз!
Ана – юйню кюн джарыгъы.
Кийимни бир кюнню аясанг, минг кюннге джарар.
Къралынгы – душмандан, башынгы от бла суудан сакъла.
Сескекли кесин билдирир.
Таш ата билмеген, башына урур.
Аджашхан тёгерек айланыр.
Кимни – тили, тиши онглу, кимни – къолу, иши онглу.
Ашхы – джыяр, аман – джояр.
Ата Джуртун танымагъан, атасын да танымаз.
Аз сёлеш, кёб ишле.
Джолунга кёре – джюрюшюнг, джагъанга кёре – юлюшюнг.
Онгсузну – джакъла, тенгликни – сакъла.
Болджал ишни бёрю ашар.
Ёлген аслан – сау чычхан.
Аман адам этегингден тутса, кес да къач.
Къарны аманнга къазан такъдырма, къолу аманнга от джакъдырма.
Айтханы чапыракъдан ётмеген.
Хар зат кесини орнуна иги.
Айран ичген – къутулду, джугъусун джалагъан – тутулду.
Ишни аллы бла къууанма да, арты бла къууан.
Байлыкъдан саулукъ ашхыды.
Тойгъан антын унутур.
Адам къыйынлыгъын кёлтюрюр, зауукълугъун кёлтюрмез.
Кийим тукъум сордурур.
Бетинги сатма, малынгы сат.
Билим насыб берир, билим джолну керир.
Душманны тышы – акъ, ичи – къара.
Ариу сёз джыланны орнундан чыгъарыр.
Борчунг бар эсе, хурджунунга ойлаб узал.
Тилсиз миллет джокъ болур.
Ётюрюкню башын керти кесер.
Иши джокъну, сыйы джокъ.
Таукелге нюр джауар.
Биреуге аманлыкъ этиб, кесинге игилик табмазса.
Джигер – джаннга къыйынлыкъ.
Мухар, кеси тойса да, кёзю тоймаз.
Гырджын – тепсини тамадасы.
Аманнга да, игиге да оноусуз къатышма.

Логин:	Регистрация

Пароль:	Забыли пароль?

Запомнить меня

Аудио

«Волшебный мир сказок»

Скачать

Адрес