Аудио :: Аудио:: Шахерезаданы джомакълары

Ауругъан – джашаудан умутчу.
Билмезни кёзю кёрмез, этмезни къулагъы эшитмез.
Сакъ юйюне сау барыр.
Олтуруб кёрюнмей эди да, ёрге туруб кёрюне эди.
Ат да турмайды бир териде.
Этни да ашады, бетни да ашады.
Эм ашхы къайын ана мамукъ бла башынгы тешер.
Ауузу аманнга «иги», деме.
Тёрдеги кюлсе, эшикдеги ышарыр.
Тин – байлыгъынг, терен саулугъунг.
Къарт айтханны этмеген, къартаймаз.
Биреу ашаб къутулур, биреу джалаб тутулур.
Суу ичген шауданынга тюкюрме.
Алим болгъандан эсе, адам болгъан къыйынды.
Чомартха Тейри да борчлуду.
Алгъанда – джууукъ, бергенде – джау.
Аллахха ийнаннган кишини, Аллах онгдурур ишин.
Эки ойлашыб, бир сёлешген.
Къыйынлы джети элге оноу этер.
Сабий кёргенин унутмаз.
Ётюрюкню къуйругъу – бир тутум.
Джюрекден джюрекге джол барды.
Акъылсызны джууукъгъа алма, акъыллыны кенгнге салма.
Таукелге нюр джауар.
Ашхы болсанг, атынг чыгъар, аман болсанг, джанынг чыгъар.
Тёзген – тёш ашар!
Таукел тауну аудурур.
Башы ишлегенни, ауузу да ишлер.
Хар сёзню орну барды.
Башынга джетмегенни сорма.
Ханнга да келеди хариблик.
Экеу тутушса, биреу джыгъылыр.
Баш – акъыл ючюн, акъылман – халкъ ючюн.
Аш хазыр болса, иш харам болур.
Къумурсхала джыйылсала, пилни да джыгъадыла.
Бал чибинни ургъаны – ачы, балы – татлы.
Башы джабылгъан челекге, кир тюшмез.
Таула не мийик болсала да, аууш табылыр.
Кёбден умут этиб, аздан къуру къалма.
Билим насыб берир, билим джолну керир.
Эркиши – от, тиширыу – суу.
Иги сёз – джаннга азыкъ, аман сёз башха – къазыкъ.
Тенгинг джокъ эсе – изле, бар эсе – сакъла!
Ач къарным, тынч къулагъым.
Джолунга кёре – джюрюшюнг, джагъанга кёре – юлюшюнг.
Къалгъан ишге къар джауар.
Урама да – ёледи, сатама да – келеди.
Аманнга да, игиге да оноусуз къатышма.
Кийим тукъум сордурур.
Кёзю сокъурдан – къоркъма, кёлю сокъурдан – къоркъ.

Логин:	Регистрация

Пароль:	Забыли пароль?

Запомнить меня

Аудио

Шахерезаданы джомакълары

Скачать

Адрес