Песен: 31 Создан:
02.04.2016 Обновлен:
02.04.2016
| 19 Февраля | 2019 года |
Навигация
- Джауумдан сора, кюн кюйдюрюр, ётюрюкден сора, айыб кюйдюрюр.
- Ариу сёз – джаннга азыкъ, аман сёз – башха къазыкъ.
- Башсыз урчукъ тюзюне айланмаз.
- Элни кючю – эмеген.
- Кёбню кёрген – кёб билир.
- Джиби бир къат джетмей эди да, эки къат тарта эди.
- Ата джурт – алтын бешик.
- Телини эшигин, махтау джабар.
- Зар адамны насыбы болмаз.
- Башда акъыл болмаса, эки аякъгъа кюч джетер.
- Aдам боллукъ, сыфатындан белгили.
- Юре билмеген ит, къонакъ келтирир.
- Джангызны оту джарыкъ джанмаз!
- Джети тилни билген джети кишиди.
- Башы ишлегенни, ауузу да ишлер.
- Тамчы таш тешер.
- Бетинги сатма, малынгы сат.
- Къарны аманнга къазан такъдырма, къолу аманнга от джакъдырма.
- Аллахха ийнаннган кишини, Аллах онгдурур ишин.
- Айтылгъан сёз ызына къайтмаз.
- Кёб джат да, бек чаб.
- Эри аманны, къатыны – аман.
- Булут кёкге джарашыу, уят бетге джарашыу.
- Нарт сёз – тилни бети.
- Джашынгы кесинг юретмесенг, джашау юретир.
- Ач, тоймам, дейди, тойгъан, ач болмам, дейди.
- Ашын ашагъанынгы, башын да сыйла.
- Суугъа – чабакъ, къаягъа – ыргъакъ.
- Абынмазлыкъ аякъ джокъ, джангылмазлыкъ джаякъ джокъ.
- Оюмсуз атлагъан, аджалсыз ёлюр.
- Эл тойса, тоймагъан, эл къойса, къоймагъан.
- Джахил болса анасы, не билликди баласы?
- Ауурну тюбю бла, дженгилни башы бла джюрюген.
- Къууут – джелге, берне – бошха.
- Тилчи тилден къаныкъмаз.
- Чомартха Тейри да борчлуду.
- Билимли ёлмез, билимсиз кёрмез.
- Сёлеш деб шай берген, тохта деб, сом берген.
- Чабар ат – джетген къыз.
- Ашарыкъда сайлагъаннга – чий гырджын.
- Рысхы – сют юсюнде кёмюк кибикди.
- Кёбден умут этиб, аздан къуру къалма.
- Биреуге кёлтюрген таягъынг, кесинги башынга урур.
- Урунуу – насыбны анасы.
- Къая джолда джортма, ачыкъ сёзден къоркъма.
- Малны кют, джерни тюрт.
- Аууздан келген, къолдан келсе, ким да патчах болур эди.
- Таякъ этден ётер, тил сюекден ётер.
- Мени джылытмагъан кюн, меннге тиймесин!
- Уллу айтханны этмеген – уллаймаз.
Фонд содействия развитию карачаево-балкарской молодежи «Эльбрусоид»
© 2003-2019 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
