Аудио :: Аудио:: Кюн джаун

Келинни – келгинчи, бёркню кийгинчи кёр.
Биреуню эскиси биреуге джангы болмайды.
Рысхы джалгъанды: келген да этер, кетген да этер.
Къыйынлы джети элге оноу этер.
Чабакъсыз кёлге къармакъ салгъанлыкъгъа, чабакъ тутмазса.
Къазанда болса, чолпугъа чыгъар.
Айраннга суу къош, телиге джол бош.
Ишлегенде эринме, ишде чолакъ кёрюнме.
Ашлыкъ – бюртюкден, джюн – тюкден.
Адамны артындан къара сабан сюрме.
Адам боллукъ, атламындан белгили болур.
Сибиртки да сыйлы болду, кюрек да кюнлю болду.
Иесиз малны бёрю ашар.
Окъдан джара эртде-кеч болса да бителир, сёз джара, ёмюрге къалыр.
Орундукъ тюбюнде атылсам да, орта джиликме, де да айлан.
Ата – билек, ана – джюрек!
Зар адамны насыбы болмаз.
Соргъан айыб тюлдю, билмеген айыбды.
Уллу сёлешме да, уллу къаб.
Байлыкъдан саулукъ ашхыды.
Ёлген аслан – сау чычхан.
Кёз – сюйген джерде, къол – ауругъан джерде.
Эрине къаргъыш этген къатын, эрнин къабар.
Эл элде бирер малынг болгъандан эсе, бирер тенгинг болсун.
Аман адам элни бир-бирине джау этер.
Татлы тилде – сёз ариу, чемер къолда – иш ариу.
Къозулугъунда тоймагъан, къойлугъунда тоймаз.
Тамчы таш тешер.
Элни кючю – эмеген.
Билимсиз иш бармаз.
Чакъырылмагъан къонакъ – орунсуз.
Ашына кёре табагъы, балына кёре къалагъы.
Байлыкъ адамны сокъур этер.
Сакъ юйюне сау барыр.
Гугурук къычырмаса да, тангны атары къалмаз.
Тил джюрекге джол ишлейди.
Джюрекге ариу – кёзге да ариу.
Суу кетер, таш къалыр.
Ашхы – джыяр, аман – джояр.
Джаз бир кюнню джатсанг, къыш талай кюнню абынырса.
Аман адам этегингден тутса, кес да къач.
Сормай – алма, чакъырылмай – барма.
Джашлыкъ этмеген, башлыкъ этмез.
Сыфатында болмагъаны, суратында болмаз.
Адамны сыфатына къарама, сёзюне къара.
Асхат ашлыкъ сата, юйдегиси ачдан къата.
Ата – баланы уясы.
Зар адам ашынгы ашар, кесинги сатар.
Аджал соруб келмез, келсе, къайтыб кетмез.
Этни да ашады, бетни да ашады.

Логин:	Регистрация

Пароль:	Забыли пароль?

Запомнить меня

Аудио

Кюн джаун

Скачать

Адрес