Аудио :: Аудио:: Къарачай-Малкъар халкъ джомакъла бла таурухла 1

Акъылсызны джууукъгъа алма, акъыллыны кенгнге салма.
Ётген ёмюр – акъгъан суу.
Билими азны – ауузунда кирит.
Уллу сёлешме да, уллу къаб.
Башланнган иш битер, къымылдагъан тиш тюшер.
Тёрде – темир таякълы, къаяда – чыпчыкъ аякълы.
Тилде сюек болмаса да, сюек сындырыр.
Айныгъанлы алты кюн, тогъайгъанлы тогъуз кюн.
Ариуну – ауруу кёб.
Джюз элде джюз ёгюзюм болгъандан эсе, джюз джууугъум болсун.
Татлы сёз – балдан татлы.
Ата джурт – алтын бешик.
Айырылгъанланы айю ашар, бёлюннгенлени бёрю ашар.
Суугъа – чабакъ, къаягъа – ыргъакъ.
Къазанны башы ачыкъ болса, итге уят керекди.
Эм ашхы къайын ана мамукъ бла башынгы тешер.
Бёрю да ач къалмасын, эчки да ашалмасын.
Эркишиге тары кебек танг кёрюнюр.
Кёбге таш атма.
Сыфатында болмагъаны, суратында болмаз.
Къар – келтирди, суу – элтди.
Кёпюр салгъан кеси ётер, уру къазгъан кеси кетер.
Кёкдеги болмаса, джердегин кёрмейди.
Рысхы – насыбха къор.
Шапа кёб болса, аш татымсыз болур.
Аурууну келиую тынч, кетиую – къыйын.
Къарнынг ауруса, ауузунгу тый
Джарлыны эшигин махтагъан джабар.
Тил джюрекге джол ишлейди.
Ишни ахырын ойламай, аллын башлама.
Аман эсирсе, юйюн ояр.
Биреуге аманлыкъ этиб, кесинге игилик табмазса.
Тойгъан антын унутур.
Азыкъ аз болса, эртде орун сал.
Билгенни къолу къарны джандырыр.
Бал чибинни ургъаны – ачы, балы – татлы.
Къарыусузгъа кюлме, онгсузгъа тийме.
Аш иеси бла татлыды.
Алма терегинден кери кетмез.
Къуру гыбыт бек дыгъырдар.
Къолунгдан къуймакъ ашатсанг да, атаны борчундан къутулмазса.
Таш ата билмеген, башына урур.
Суу да къайтады чыкъгъан джерине.
Юй ишлеген балта эшикде къалыр.
Къонакъ болсанг, ийнакъ бол.
Рысхы – сют юсюнде кёмюк кибикди.
Ёксюзню тилеги къабыл болур.
Тил бла келеди джыр да.
Ачлыкъда тары гырджын халыуадан татлы.
Юйюнгден чыкъдынг – кюнюнгден чыкъдынг.

Логин:	Регистрация

Пароль:	Забыли пароль?

Запомнить меня

Аудио

Къарачай-Малкъар халкъ джомакъла бла таурухла 1

Скачать

Адрес