Аудио :: Аудио:: Къарачай-Малкъар халкъ джомакъла бла таурухла 1

Акъыл аздырмаз, билим тоздурмаз.
Ауругъан – джашаудан умутчу.
Бети – къучакълар, джюреги – бычакълар.
Джаралыны джастыгъында сау ёлюр.
Къолу уллу – асыу, аягъы уллу – джарсыу.
Сангырау къулакъ эл бузар.
Кёб джат да, бек чаб.
Сютден ауузу кюйген, суугъа юфгюре эди.
Байны оноуу, джарлыгъа джарамаз.
Ёлген аслан – сау чычхан.
Керти сёзге тёре джокъ.
Ата джурт – алтын бешик.
Сабий болмагъан джерде, мёлек болмаз.
Аш иеси бла татлыды.
Бир онгсуз адам адет чыгъарды, деб эштирик тюлсе.
Чыкълы кюнде чыкъмагъан, чыкъса къуру кирмеген.
Шайтан алдады, тюзлюк къаргъады.
Тулпарлыкъ, билекден тюл – джюрекден.
Джаш къарыу бла кючлю, къарт акъыл бла кючлю.
Урама да – ёледи, сатама да – келеди.
Ата Джуртча джер болмаз, туугъан элча эл болмаз.
Чыбыкълыкъда бюгюлмеген, къазыкълыкъда бюгюлмей эди.
Бети бедерден, намыс сакълама.
Къыйынлы джети элге оноу этер.
Джукъу тёшек сайламайды.
Иши джокъну, сыйы джокъ.
Биреу ашаб къутулур, биреу джалаб тутулур.
Биреуню эскиси биреуге джангы болмайды.
Джол бла сёзню къыйыры джокъ.
Къайгъыны сюйген, къайгъы табар.
Баш – акъыл ючюн, акъылман – халкъ ючюн.
Алтыннга тот къонмаз.
Юйлю уругъа ит чабмаз.
Тойгъан антын унутур.
Къонакъны къачан кетерин сорма, къачан келлигин сор.
Адамны джюреги нени кёрюрге сюйсе, кёзю да аны кёрюрге ёч болады.
Ойнай билмеген, оюн бузар.
Шапа кёб болса, аш татымсыз болур.
Сагъышы джокъ – джукъучу, акъылы джокъ – къаугъачы.
Аш кетер да бет къалыр.
Джети тилни билген джети кишиди.
Тойгъандан сора, ашны сёкме.
Терек ауса, отунчу – кёб.
Суугъа – таянма, джаугъа – ийнанма.
Джашлыкъ этмеген, башлыкъ этмез.
Къан бла кирген, джан бла чыгъар.
Сормай – алма, чакъырылмай – барма.
Къарнынг тойгъунчу аша да, белинг талгъынчы ишле.
Ёпкелегенни ашы татлы болады.
Джюз элде джюз ёгюзюм болгъандан эсе, джюз джууугъум болсун.

Логин:	Регистрация

Пароль:	Забыли пароль?

Запомнить меня

Аудио

Къарачай-Малкъар халкъ джомакъла бла таурухла 1

Скачать

Адрес