Аудио :: Аудио:: Къарачай-Малкъар халкъ джомакъла бла таурухла 1

Асхат ашлыкъ сата, юйдегиси ачдан къата.
Ишге юренсин къоллары, халкъ бла болсун джоллары.
Дженгил джетерикме деб, узун джолну къоюб, къысхасын барма.
Юре билмеген ит, къонакъ келтирир.
Джуртун къоругъан озар.
Къазанда болса, чолпугъа чыгъар.
Тик ёргени, тик энгишгеси да болады.
Аз айтсам, кёб ангылагъыз.
Бюгюн дуния кибик, тамбла ахыратды.
Таш ата билмеген, башына урур.
Нёгер болсанг, тенг бол, тенг болмасанг, кенг бол.
Элни кючю – эмеген.
Ургъан суудан башынгы сакъла.
Сакъ юйюне сау барыр.
Ашлыкъ – бюртюкден, джюн – тюкден.
Къарнынг къанлынга кийирир.
Ушамагъан – джукъмаз.
Къонагъынгы артмагъын алма да, алгъышын ал.
Ашхы болсанг, атынг чыгъар, аман болсанг, джанынг чыгъар.
Зарда марда джокъ.
Атлыны кёрсе, джаяуну буту талыр.
Бек ашыкъгъан меннге джетсин, дегенди аракъы.
Босагъа таш юйге кирмей эди, тыбыр таш эшикге чыкъмай эди.
Кеси юйюмде мен да ханма.
Къарт бла баш аша, джаш бла аякъ аша.
Термилгенинги табмазса, кюлгенинге тюберсе.
Баргъанынга кёре болур келгенинг.
Айтылгъан буйрукъ, сёгюлмез
Алма терегинден кери кетмез.
Эки къатын алгъан – эки ташны ортасына башын салгъан.
Атынг аманнга чыкъгъандан эсе, джанынг тамагъынгдан чыкъсын.
Кёлю джокъну – джолу джокъ.
Тулпарлыкъ, билекден тюл – джюрекден.
Къозулугъунда тоймагъан, къойлугъунда тоймаз.
Ач къарынны, токъ билмез
Башынга джетмегенни сорма.
Намыс сатылыб алынмайды.
Бозаны арты дауур болур.
Сабыр джетер муратха, сабырсыз къалыр уятха.
Ауругъанны сау билмез, ач къарынны токъ билмез.
Сангырау къулакъ эл бузар.
Билген билмегенни юретген адетди.
Ашхылыкъ джерде джатмайды, аманлыкъ суугъа батмайды.
Чабакъсыз кёлге къармакъ салгъанлыкъгъа, чабакъ тутмазса.
Билим – акъылны чырагъы.
Адеб этмеген, адеб кёрмез.
Аманны тукъумуна къарама, игини тукъумун сорма.
Къонагъы джокъну – шоху джокъ.
Окъуусуз билим – джокъ, билимсиз кюнюнг – джокъ.
Чабакъгъа акъыл, табагъа тюшсе келеди.

Логин:	Регистрация

Пароль:	Забыли пароль?

Запомнить меня

Аудио

Къарачай-Малкъар халкъ джомакъла бла таурухла 1

Скачать

Адрес