Песен: 44 Создан:
10.02.2016 Обновлен:
10.02.2016
| 9 Декабря | 2024 года |
Навигация
- Акъыл неден да кючлюдю.
- Айырылгъанланы айю ашар, бёлюннгенлени бёрю ашар.
- Байлыкъ адамны сокъур этер.
- Тилчи тилден къаныкъмаз.
- Къатын къылыкъсыз, эр тынчлыкъсыз.
- Сангырау къулакъ эл бузар.
- Ханы къызы буюгъа-буюгъа киштик болду.
- Кёзню ачылгъаны – иги, ауузну джабылгъаны – иги.
- Эр абынмай, эл танымаз.
- Биреуге кёлтюрген таягъынг, кесинги башынга урур.
- Ашарыкъда сайлагъаннга – чий гырджын.
- Аджашханны ызындагъы кёреди, джангылгъанны джанындагъы биледи.
- Айранын берсенг, челегин да къызгъанма.
- Эр сокъур болсун, къатын тилсиз болсун.
- Кенгеш болса, уруш болмаз.
- Джумушакъ сёз къаты таякъны сындырыр.
- Рысхы – насыбха къор.
- Келгинчи, къонакъ уялыр, келгенден сора, къонакъбай уялыр.
- Алтыда кюлмеген, алтмышда кюлмез.
- Эте билген, этген этеди, эте билмеген, юретген этеди!
- Чакъырылгъанны аты, чакъырылмагъанны багъасы болур.
- Акъыллы – эл иеси, тели – эл баласы.
- Мураты болгъанны джюрек тебюую башхады.
- Эркишини аманы тиширыуну джылатыр.
- Кёб къычыргъандан – къоркъма, тынч олтургъандан – къоркъ.
- Джылар джаш, атасыны сакъалы бла ойнар.
- Къонагъынгы артмагъын алма да, алгъышын ал.
- Нёгерсизни джолу узун.
- Телини эшигин, махтау джабар.
- Кюн кёрмеген, кюн кёрсе, кюндюз чыракъ джандырыр.
- Эртде тургъан джылкъычыны эркек аты тай табар.
- Джангыз торгъай джырламаз.
- Элге къуллукъ этмеген, элге ие болмаз.
- Чоюнну башы ачыкъ болса, итге уят керекди.
- Айырылмаз джууугъунга, унутмаз сёзню айтма.
- Эри аманны, къатыны – аман.
- Кечеси – аяз, кюню – къыш, джарлы къаргъагъа бир аш тюш!
- Тели турса – той бузар.
- Ариу сёз джыланны орнундан чыгъарыр.
- Ашаса, ашамаса да, бёрюню ауузу – къан.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Хар сёзню орну барды.
- Къозулугъунда тоймагъан, къойлугъунда тоймаз.
- Адамны сабийин сюйген джюреги, бычакъча, джитиди.
- Тау башында, тау болмаз, джангыз терек, бау болмаз.
- Биреу къой излей, биреу той излей.
- Окъдан джара эртде-кеч болса да бителир, сёз джара, ёмюрге къалыр.
- Билген билмегенни юретген адетди.
- Ишни аллы бла къууанма да, арты бла къууан.
- Босагъа таш юйге кирмей эди, тыбыр таш эшикге чыкъмай эди.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
