Аудио :: Аудио:: Къарачай десем...

Баланы адам этген анады.
Къонакъны къачан кетерин сорма, къачан келлигин сор.
Чомарт къонакъ юй иесин сыйлар.
Джангызны оту джарыкъ джанмаз!
Атлыны ашхысы, ат тизгининден билинир
Этни да ашады, бетни да ашады.
Мен да «сен», дейме, сен да «кесим», дейсе.
Тешигини къатында, чычхан да батыр болур.
Тенги кёбню джау алмаз, акъылы кёбню дау алмаз.
Тойгъандан сора, ашны сёкме.
Эртде тургъан джылкъычыны эркек аты тай табар.
Джылыгъа джылан илешир.
Къарт болгъан джерде, берекет болур, сабий болгъан джерде, оюн болур.
Аман къатын алгъан, арыр, иги къатын алгъан джарыр.
Айраннга суу къош, телиге джол бош.
Чакъырылмагъан къонакъ – орунсуз.
Экеулен сёлеше тура эселе, орталарына барыб кирме.
Билим – акъылны чырагъы.
Кёб къычыргъандан – къоркъма, тынч олтургъандан – къоркъ.
Юй ишлеген балта эшикде къалыр.
Эринчекни аурууу – кёб.
Айран ичген – къутулду, джугъусун джалагъан – тутулду.
Шапа кёб болса, аш татымсыз болур.
Иесиз малны бёрю ашар.
Иги джашны ышаны – аз сёлешиб, кёб тынгылар.
Тиширыусуз юй – отсуз от джагъа.
Гитче джилтин уллу элни джандырыр.
Душманны тышы – акъ, ичи – къара.
Ат да турмайды бир териде.
Тюзлюк шохлукъну бегитир.
Арбаз къынгырды да, ийнек сауалмайма.
Кийиминг бла танылма, адамлыкъ бла таныл.
Ашхылыкъ джерде джатмайды, аманлыкъ суугъа батмайды.
Кийимни бир кюнню аясанг, минг кюннге джарар.
Джерни букъусу кёкге къонмаз.
Аманнга алтын чыдамаз.
От этилмеген джерден тютюн чыкъмайды.
Тёрде – темир таякълы, къаяда – чыпчыкъ аякълы.
Ашлыкъ – бюртюкден, джюн – тюкден.
Накъырданы арты керти болур.
Арбаз сайлама да, хоншу сайла.
Чомартха Тейри да борчлуду.
Ашда уялгъан – мухар, ишде уялгъан – хомух.
Ач къарынны, токъ билмез
Зар адам ашынгы ашар, кесинги сатар.
Айранын берсенг, челегин да къызгъанма.
Акъыл неден да кючлюдю.
Къонакъ болсанг, ийнакъ бол.
Сютню башын джалагъан къутулур, тюбюн ичген тутулур.
Суугъа – таянма, джаугъа – ийнанма.

Логин:	Регистрация

Пароль:	Забыли пароль?

Запомнить меня

Аудио

Къарачай десем...

Скачать

Адрес