Песен: 79 Создан:
13.01.2016 Обновлен:
13.01.2016
| 28 Апреля | 2024 года |
Навигация
- Эл тойса, тоймагъан, эл къойса, къоймагъан.
- Бетинги сатма, малынгы сат.
- Ашын ашагъанынгы, башын да сыйла.
- Борчунг бар эсе, хурджунунга ойлаб узал.
- Эринчекни эр алмаз, эр алса да, кёл салмаз, кёл салса да, кёб бармаз!
- Чакъырылмай келген къонакъ сыйланмай кетер.
- Бастасын ашагъан, хантусун да ичер.
- Нафысынгы айтханын этме, намысынгы айтханын эт.
- Эски джаугъа ышанма.
- Окъугъан озар, окъумагъан тозар.
- Ач къарным, тынч къулагъым.
- Адамны джюреги нени кёрюрге сюйсе, кёзю да аны кёрюрге ёч болады.
- Тау башында, тау болмаз, джангыз терек, бау болмаз.
- Ата Джуртуму башы болмасам да, босагъасында ташы болайым.
- Къонакъ болсанг, ийнакъ бол.
- Берекет берсин деген джерде, берекет болур.
- Тойгъан джерден туугъан джер игиди.
- Малны кют, джерни тюрт.
- Ашатыргъа иш – ашхы, ишлетирге аш – ашхы.
- Ашхы тенг джолгъа салыр, аман тенг джолдан тайдырыр.
- Джырына кёре эжиую.
- Адам къаллай бир ишленмесе, аллай бир кесин уллу кёреди.
- Къонагъынгы артмагъын алма да, алгъышын ал.
- Адеби болмагъан къыз – тузсуз хант.
- Айранын берсенг, челегин да къызгъанма.
- Къоркъакъны кёзю экили кёрюр.
- Ариуну – ауруу кёб.
- Сакъалы текени да бар, мыйыгъы киштикни да бар.
- Джарашыу сюйген – джалынчакъ.
- Телиге акъыл салгъандан эсе, ёлгеннге джан салырса.
- Рысхы джалгъанды: келген да этер, кетген да этер.
- Телиге от эт десенг, юйюнге от салыр.
- Ышармагъан – кюлмез, кюлмеген – къууанчны билмез.
- Окъугъан – асыу, окъумагъан – джарсыу.
- Къолу уллу – асыу, аягъы уллу – джарсыу.
- Уллу суу бла уллу ауруудан башынгы сакъла.
- Кёзюнде тереги болгъан, чёбю болгъаннга кюле эди.
- Тели турса – той бузар.
- Ёгюзню мюйюзюнден тутадыла, адамны сёзюнден тутадыла.
- Джумушакъ сёз къаты таякъны сындырыр.
- Ашыкъгъан cуу, тенгизге джетмез.
- Ана къойну – балагъа джандет.
- Тёрени джагъы джокъ.
- Джаш къарыу бла кючлю, къарт акъыл бла кючлю.
- Ишин билген, аны сыйын чыгъарады.
- Сескекли кесин билдирир.
- Акъыллы – эл иеси, тели – эл баласы.
- Ата Джуртча джер болмаз, туугъан элча эл болмаз.
- Ачлыкъда тары гырджын халыуадан татлы.
- Таукел къуру къалмаз.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
