Песен: 79 Создан:
13.01.2016 Обновлен:
13.01.2016
| 26 Марта | 2025 года |
Навигация
- Къаллай салам берсенг, аллай джууаб алырса.
- Тенгинг джокъ эсе – изле, бар эсе – сакъла!
- Сабийликде юретмесенг, уллу болса – тюзелмез.
- Бюгюн дуния кибик, тамбла ахыратды.
- Ачны эсинде – аш.
- Джырчы ёлсе, джыры къалыр.
- Ёлген аслан – сау чычхан.
- Къонакъ аман болса, къонакъбай джунчур
- Къызын тута билмеген, тул этер, джашын тута билмеген, къул этер.
- Бир абыннган – минг сюрюнюр.
- Ишни аллы бла къууанма да, арты бла къууан.
- Окъугъанны бети джарыкъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Айыбны суу бла джууалмазса.
- Битмегеннге сакъал – танг.
- Намысы болмагъанны, сыйы болмаз.
- Келинин тута билмеген, къул этер, къызын тута билмеген, тул этер.
- Махтаннган къыз, тойда джукълар.
- Баш болса, бёрк табылыр.
- Эллинг бла джау болсанг да, юйюнг бла джау болма.
- Къатын байлыкъны сюер, эр саулукъну сюер.
- Тура эдим джата, къайдан чыкъды хата?
- Тюкюрюк баш джармаз, налат кёз чыгъармаз!
- Баргъанынга кёре болур келгенинг.
- Аууздан келген, къолдан келсе, ким да патчах болур эди.
- Уллу къашыкъ эрин джыртар.
- Хар ишни да аллы къыйынды.
- Ариу сёз – къылычдан джити.
- Адеб этмеген, адеб кёрмез.
- Айран ичген – къутулду, джугъусун джалагъан – тутулду.
- Ачлыкъ отха секиртир.
- Сёз къанатсыз учар.
- Тыш элде солтан болгъандан эсе, кесинги элде олтан болгъан игиди!
- Бойнуму джети джерден кессенг да, мен ол ишни этеллик тюлме.
- Бек анасы джыламаз.
- Ач отунчуну ачыуу – бурнунда.
- Иесиз малны бёрю ашар.
- Келинни – келгинчи, бёркню кийгинчи кёр.
- Кёзюнде тереги болгъан, чёбю болгъаннга кюле эди.
- Уллу суу бла уллу ауруудан башынгы сакъла.
- Кечеси – аяз, кюню – къыш, джарлы къаргъагъа бир аш тюш!
- Акъылсызны джууукъгъа алма, акъыллыны кенгнге салма.
- Туз, гырджын аша, тюзлюк бла джаша.
- Кесинге джетмегенни, кёб сёлешме.
- Таш ата билмеген, башына урур.
- Къонакъны къачан кетерин сорма, къачан келлигин сор.
- Джашда акъыл джокъ, къартда къарыу джокъ.
- Аджал соруб келмез, келсе, къайтыб кетмез.
- Къарнынг бла ёч алма.
- Эм уллу байлыкъ – джан саулукъ.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
