Аудио :: Аудио:: Жаным, жырым да

Элиб деген, элге болушур.
Джырына кёре эжиую.
Чарсда алчыны эл кёреди.
Огъурлуну сёзю – суу, огъурсузну сёзю – уу.
Эки итни арасына сюек атма, эки адамны арасында сёз чыгъарма.
Тамбла алтындан бюгюн багъыр ашхы.
Къайгъы тюбю – тенгиз.
Намыс сатылыб алынмайды.
Билимден уллу байлыкъ джокъду.
Айырылгъанланы айю ашар, бёлюннгенлени бёрю ашар.
Керилген да, ургъан кибикди.
Билимли ёлмез, билимсиз кёрмез.
Aдам боллукъ, сыфатындан белгили.
Билим къая тешер.
Намысы болмагъанны, сыйы болмаз.
Халкъны юйю – туугъан джери.
Суу кетер, таш къалыр.
Аман къатын алгъан, арыр, иги къатын алгъан джарыр.
Тил бла келеди джыр да.
Узун джолну барсанг, бюгюн келирсе, къысха джолну барсанг, тамбла келирсе.
Ушамагъан – джукъмаз.
Тиширыусуз юй – отсуз от джагъа.
Сютден ауузу кюйген, суугъа юфгюре эди.
Кесине оноу эте билмеген, халкъына да эте билмез.
Рысхы джалгъанды: келген да этер, кетген да этер.
Ариу сёзде ауруу джокъ.
Хаухну атма, ёнгкючню сатма.
Кесинг сынамагъан затны, адамгъа буюрма.
Сёз садакъдан кючлюдю.
Акъыл аздырмаз, билим тоздурмаз.
Аман киши кеси юйюнде – къонакъ.
Бек ашыкъгъан меннге джетсин, дегенди аракъы.
Джогъун бар этген, барын бал этген.
Экеулен сёлеше тура эселе, орталарына барыб кирме.
Къыз келсе, джумуш эте келеди, къатын келсе, ушакъ эте келеди.
Джарлы тюеге минсе да, ит къабар.
Кюлме джашха – келир башха.
Мураты болгъанны джюрек тебюую башхады.
Эрни эр этерик да, къара джер этерик да, тиширыуду.
Эринчекни эр алмаз, эр алса да, кёл салмаз, кёл салса да, кёб бармаз!
Къалгъан ишге къар джауар.
Экиндини кеч къылсанг, чабыб джетер ашхам.
Адамны сыфатына къарама, сёзюне къара.
Таукелге нюр джауар.
Намысы джокъну – дуниясы джокъ.
Чакъырылгъанны аты, чакъырылмагъанны багъасы болур.
Кёл – къызбай, къол – батыр.
Чомарт къолда мал къалмаз.
Шекер бла туз – бир болмаз, ушамагъан – юй болмаз.
Ауругъанны сау билмез, ач къарынны токъ билмез.

Логин:	Регистрация

Пароль:	Забыли пароль?

Запомнить меня

Аудио

Жаным, жырым да - сизни

Скачать

Адрес