Аудио :: Аудио:: Жаным, жырым да

Агъач – джерни чырайы, кийим – эрни чырайы.
Ашына кёре табагъы, балына кёре къалагъы.
Бермеген къол, алмайды.
Ауурну тюбю бла, дженгилни башы бла джюрюген.
Бичгенде ашыкъма, тикгенде ашыкъ.
Насыблы элин сюер, насыбсыз кесин сюер.
Кесине гебен этелмеген, биреуге черен эте эди.
Аш кетер да бет къалыр.
Эринчекни аурууу – кёб.
Тили узунну, намысы – къысха.
Кёл – къызбай, къол – батыр.
Къартха ушагъан джаш – акъыллы, джашха ушагъан къарт – тели.
Кесинге джетмегенни, кёб сёлешме.
Олтуруб кёрюнмей эди да, ёрге туруб кёрюне эди.
Адамны аты башхача, акъылы да башхады.
Адамны сабийин сюйген джюреги, бычакъча, джитиди.
Ашхы сёз таш тешер.
Юйюнгден чыкъдынг – кюнюнгден чыкъдынг.
Тик ёргени, тик энгишгеси да болады.
Болджал ишни бёрю ашар.
Баш – акъыл ючюн, акъылман – халкъ ючюн.
Керти сёзге тёре джокъ.
Ёпкелегенни ашы татлы болады.
Ач къарынны, токъ билмез
Ашда уялгъан – мухар, ишде уялгъан – хомух.
Ойнай-ойнай кёз чыгъар.
Уллу атлама – абынырса, уллу къабма – къарылырса.
Ётюрюк хапар аякъ тюбю бла джюрюйдю.
Тешигини къатында, чычхан да батыр болур.
Атынг аманнга чыкъгъандан эсе, джанынг тамагъынгдан чыкъсын.
Башынга джетмегенни сорма.
Дуния аламаты сен эсенг да, игиме деб айтма.
Джюрекге ариу – кёзге да ариу.
Тас болгъан бычакъны сабы – алтын.
Джукъу тёшек сайламайды.
Уллу суу бла уллу ауруудан башынгы сакъла.
Байны оноуу, джарлыгъа джарамаз.
Махтаннган къыз, тойда джукълар.
Билмейме деген – бир сёз
Эри аманны, къатыны – аман.
Бир абыннган – минг сюрюнюр.
Аш берме да, къаш бер.
Кёлсюзден сёзсюз тууар.
Джаралыны джастыгъында сау ёлюр.
Керек ташны ауурлугъу джокъ.
Джумушакъ сёз къаты таякъны сындырыр.
Таукел къуру къалмаз.
Кимни – тили, тиши онглу, кимни – къолу, иши онглу.
Накъырданы арты керти болур.
Соргъан айыб тюлдю, билмеген айыбды.

Логин:	Регистрация

Пароль:	Забыли пароль?

Запомнить меня

Аудио

Жаным, жырым да - сизни

Скачать

Адрес