Песен: 24 Создан:
25.07.2015 Обновлен:
10.06.2016
| 26 Апреля | 2024 года |
Навигация
- Джырчы ёлсе, джыры къалыр.
- Джан саулукъ бермей, сан саулукъ бермезсе.
- Таякъ этден ётер, тил сюекден ётер.
- Джумушакъ сёз къаты таякъны сындырыр.
- Джыйырма къойну юч джыйырма эбзе кюте эди.
- Итли къонакъ джарашмаз.
- Биреу къой излей, биреу той излей.
- Аман адамны тепсинге олтуртсанг, къызынгы тилер.
- Ёлюр джаннга, ёкюл джокъ.
- Мал кёб болса, джууукъ кёб болур.
- Тулпарлыкъ, билекден тюл – джюрекден.
- Терек ауса, отунчу – кёб.
- Кёбню кёрген – кёб билир.
- Экеулен сёлеше тура эселе, орталарына барыб кирме.
- Урама да – ёледи, сатама да – келеди.
- Баш болса, бёрк табылыр.
- Башынга джетмегенни сорма.
- Чалманны аллы къалай башланса, арты да алай барады.
- Телини эшигин, махтау джабар.
- Сёлеш деб шай берген, тохта деб, сом берген.
- Байма, деб да, къууанма, джарлыма, деб да, джылама.
- Ашлыкъ – бюртюкден, джюн – тюкден.
- Ауурну тюбю бла, дженгилни башы бла джюрюген.
- Орундукъ тюбюнде атылсам да, орта джиликме, де да айлан.
- Тыш элде солтан болгъандан эсе, кесинги элде олтан болгъан игиди!
- Джумушакъ терекни къурт ашар.
- Хансыз джомакъ болмаз.
- Малны кют, джерни тюрт.
- Аджаллыгъа окъсуз шкок атылыр.
- Уллу сёзде уят джокъ.
- Джангыз терек къынгыр ёсер.
- Игини сыйлагъан адетди.
- Джарлыны эшигин махтагъан джабар.
- Къызгъанчдан ычхыныр, мухардан ычхынмаз.
- Къазанчы аман болса, къазаны къайнамаз.
- Джашда акъыл джокъ, къартда къарыу джокъ.
- Тау башында, тау болмаз, джангыз терек, бау болмаз.
- Байлыкъ болгъан джерде, тынчлыкъ джокъду.
- Ётген ёмюр – акъгъан суу.
- Айранны сюйген, ийнек тутар.
- Бойнуму джети джерден кессенг да, мен ол ишни этеллик тюлме.
- Эки итни арасына сюек атма, эки адамны арасында сёз чыгъарма.
- Ана къолу ачытмаз.
- Халкъны юйю – туугъан джери.
- Эллинг бла джау болсанг да, юйюнг бла джау болма.
- Дженгил джетерикме деб, узун джолну къоюб, къысхасын барма.
- Аман хансны – урлугъу кёб.
- Ётюрюк хапар аякъ тюбю бла джюрюйдю.
- Ата Джуртча джер болмаз, туугъан элча эл болмаз.
- Къарнынг тойгъунчу аша да, белинг талгъынчы ишле.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
