Аудио :: Аудио:: Къарачай-Малкъар джазыучуланы хапарлары

Тёзгеннге, джабылгъан эшик ачылыр.
Терслик кетер, тюзлюк джетер.
Къыз келсе, джумуш эте келеди, къатын келсе, ушакъ эте келеди.
Билим насыб берир, билим джолну керир.
Намыс болмагъан джерде, насыб болмаз.
Окъугъанны бети джарыкъ.
Ач, тоймам, дейди, тойгъан, ач болмам, дейди.
Душманны тышы – акъ, ичи – къара.
Ачны эсинде – аш.
Алим болгъандан эсе, адам болгъан къыйынды.
Алма терегинден кери кетмез.
Джуртун къоругъан озар.
Хата – гитчеден.
Уллу атлама – абынырса, уллу къабма – къарылырса.
Зар адам ашынгы ашар, кесинги сатар.
Къарын къуру болса, джюрек уру болур.
Аманны къуугъан, аманлыкъ табар.
Баш болса, бёрк табылыр.
Къарт болгъан джерде, берекет болур, сабий болгъан джерде, оюн болур.
Тас болгъан бычакъны сабы – алтын.
Чомарт къолда мал къалмаз.
Юй кюйдю да, кюйюз чыкъды, ортасындан тюйюш чыкъды.
Юйюнгден чыкъдынг – кюнюнгден чыкъдынг.
Уллу сёлешме да, уллу къаб.
Джашынгы кесинг юретмесенг, джашау юретир.
Ана кёлю – балада, бала кёлю – талада.
Адам боллукъ, атламындан белгили болур.
Байлыкъ тауусулур, билим тауусулмаз.
Кёпюр салгъан кеси ётер, уру къазгъан кеси кетер.
Биреуню тёрюнден, кесинги эшик артынг игиди.
Тыш элде солтан болгъандан эсе, кесинги элде олтан болгъан игиди!
Джюрек кёзден алгъа кёрюр.
Джахил болса анасы, не билликди баласы?
Эри аманны, къатыны – аман.
Баргъанынга кёре болур келгенинг.
Ёгюзню мюйюзюнден тутадыла, адамны сёзюнден тутадыла.
Джылыгъа джылан илешир.
Тилде сюек болмаса да, сюек сындырыр.
Ишни ахырын ойламай, аллын башлама.
Сангырау къулакъ эл бузар.
Айран тёгюлсе, джугъусу къалыр.
Кёбню кёрген – кёб билир.
Тёрени джагъы джокъ.
Келинни – келгинчи, бёркню кийгинчи кёр.
Ач къарным, тынч къулагъым.
Кюлме джашха – келир башха.
Халкъгъа джарагъан, джарлы къалмаз.
Башы джабылгъан челекге, кир тюшмез.
Тил бла келеди джыр да.
Ургъан суудан башынгы сакъла.

Логин:	Регистрация

Пароль:	Забыли пароль?

Запомнить меня

Аудио

Къарачай-Малкъар джазыучуланы хапарлары

Скачать

Адрес