Песен: 22 Создан:
22.07.2015 Обновлен:
15.02.2018
| 23 Апреля | 2025 года |
Навигация
- Ишлегенде эринме, ишде чолакъ кёрюнме.
- Къуллукъчума, деб махтанма, къуллукъ – хаух джамчыды!
- Ойнай билмеген, уруб къачар.
- Окъугъан – асыу, окъумагъан – джарсыу.
- Нафысынгы айтханын этме, намысынгы айтханын эт.
- Билген билмегенни юретген адетди.
- Мал кёб болса, джууукъ кёб болур.
- Артына баргъанны, къатына барма.
- Къарт болгъан джерде, берекет болур, сабий болгъан джерде, оюн болур.
- Ётюрюкню къуйругъу – бир тутум.
- Тешигини къатында, чычхан да батыр болур.
- Къонакъ аз олтурур, кёб сынар.
- Адам боллукъ, атламындан белгили болур.
- Адам сёзюнден белгили.
- Джыланны къуйругъундан басарынг келсе, аны башы болгъанын унутма.
- Чыкълы кюнде чыкъмагъан, чыкъса къуру кирмеген.
- Сагъыш – къартлыкъгъа сюйюмчю.
- Ишлерге уял да, ашаргъа табма.
- Керти сёзге тёре джокъ.
- Юреннген ауруу къалмаз.
- Аманны эки битли тону болур, бирин сеннге кийдирир, бирин кеси киер.
- Иги сеники эсе да, сюйген кесимикин этеме.
- Тойгъа барсанг, тоюб бар, эски тонунгу къоюб бар.
- Ишлегенден, къарагъан уста.
- Айныгъанлы алты кюн, тогъайгъанлы тогъуз кюн.
- Къызны минг тилер, бир алыр.
- Билмегенинги, билгеннге сор.
- Ушамагъан – джукъмаз.
- Бир онгсуз адам адет чыгъарды, деб эштирик тюлсе.
- Бичгенде ашыкъма, тикгенде ашыкъ.
- Иги адамны бир сёзю эки болмаз.
- Къыз келсе, джумуш эте келеди, къатын келсе, ушакъ эте келеди.
- Ашарыкъда сайлагъаннга – чий гырджын.
- Иги адам абынса да, джангылмаз.
- Джылкъыдан – ат чыгъар, тукъумдан – джаш чыгъар.
- Олтуруб кёрюнмей эди да, ёрге туруб кёрюне эди.
- Ёлген эшек бёрюден къоркъмайды.
- Баргъанынга кёре болур келгенинг.
- Окъуусуз билим – джокъ, билимсиз кюнюнг – джокъ.
- Келинни – келгинчи, бёркню кийгинчи кёр.
- Ашатыргъа иш – ашхы, ишлетирге аш – ашхы.
- Кёб къычыргъандан – къоркъма, тынч олтургъандан – къоркъ.
- Арба аугъандан сора, джол кёргюзтюучю кёб болур.
- Ётюрюк хапар аякъ тюбю бла джюрюйдю.
- Ойнай-ойнай кёз чыгъар.
- Адам сёзге тынгыла, акъыл сёзню ангыла.
- Кёбден умут этиб, аздан къуру къалма.
- Эринчекни аурууу – кёб.
- Къарын къуру болса, джюрек уру болур.
- Таугъа чыгъаллыкъ эсенг, тюзде къалма.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
