Аудио :: Аудио:: Прислушайся к словам

Тин – байлыгъынг, терен саулугъунг.
Кюн кёрмеген, кюн кёрсе, кюндюз чыракъ джандырыр.
Минг тенг да азды, бир джау да кёбдю.
Джолда аягъынга сакъ бол, ушакъда тилинге сакъ бол.
Чалманны аллы къалай башланса, арты да алай барады.
Aдам боллукъ, сыфатындан белгили.
Эл тойса, тоймагъан, эл къойса, къоймагъан.
Уллу сёзде уят джокъ.
Ата Джуртун танымагъан, атасын да танымаз.
Суугъа – таянма, джаугъа – ийнанма.
Джарлы джети элни сёзюн этер.
Джауумдан сора, кюн кюйдюрюр, ётюрюкден сора, айыб кюйдюрюр.
Окъугъан – асыу, окъумагъан – джарсыу.
Къолу уллу – асыу, аягъы уллу – джарсыу.
Къайгъыны сюйген, къайгъы табар.
Айтхан сёзюне табылгъан.
Бал чибинни ургъаны – ачы, балы – татлы.
Къууут – джелге, берне – бошха.
Тил бла келеди джыр да.
Билгенни къолу къарны джандырыр.
Къыз келсе, джумуш эте келеди, къатын келсе, ушакъ эте келеди.
Намыс болмагъан джерде, насыб болмаз.
Ач уят къоймаз.
Башда акъыл болмаса, эки аякъгъа кюч джетер.
Джарлы тюеге минсе да, ит къабар.
Окъумагъан сокъурду, сокъур ташха абыныр!
Татлы тилде – сёз ариу, чемер къолда – иш ариу.
Ханнга да келеди хариблик.
Аман адам элни бир-бирине джау этер.
Биреуге аманлыкъ этиб, кесинге игилик табмазса.
Билмезни кёзю кёрмез, этмезни къулагъы эшитмез.
Ауузу аманнга «иги», деме.
Къартны бурнун сюрт да, оноугъа тут.
Зарда марда джокъ.
Керилген да, ургъан кибикди.
Махтаннган къыз, тойда джукълар.
Джаным-тиним – окъуу, билим.
Чакъырылмагъан къонакъ къачан кетерин сормаз.
Айтылгъан буйрукъ, сёгюлмез
Эри аманны, къатыны – аман.
Байны къызы баймакъ болса да, юйде къалмаз!
Къыйынлы джети элге оноу этер.
Ачны эсинде – аш.
Тёзген – тёш ашар!
Душманны тышы – акъ, ичи – къара.
Ашхы адам – халкъ байлыгъы, ашхы джер – джашау байлыгъы.
Къонакъ болсанг, ийнакъ бол.
Сууда джау джокъ, кёб сёзде магъана джокъ.
Акъыл аздырмаз, билим тоздурмаз.
Къыз тиширыу кеси юйюнде да къонакъды.

Логин:	Регистрация

Пароль:	Забыли пароль?

Запомнить меня

Аудио

Прислушайся к словам

Скачать

Адрес