Песен: 56 Создан:
30.06.2015 Обновлен:
11.07.2015
| 23 Сентября | 2019 года |
Навигация
- Къызын тута билмеген, тул этер, джашын тута билмеген, къул этер.
- Къартны сыйын кёрмеген, къартлыгъында сыйлы болмаз.
- От кюйдюрген, сау болса да, тот кюйдюрген, сау болмаз.
- Аманны къуугъан, аманлыкъ табар.
- Азыкъ аз болса, эртде орун сал.
- Джарлыны эшигин махтагъан джабар.
- Бичгенде ашыкъма, тикгенде ашыкъ.
- Тилде сюек болмаса да, сюек сындырыр.
- Рысхы – сют юсюнде кёмюк кибикди.
- Джаралыны джастыгъында сау ёлюр.
- Окъ къызбайны джокълайды.
- Олтуруб кёрюнмей эди да, ёрге туруб кёрюне эди.
- Ёпкелегенни ашы татлы болады.
- Келинин тута билмеген, къул этер, къызын тута билмеген, тул этер.
- Болджал ишни бёрю ашар.
- Джюз элде джюз ёгюзюм болгъандан эсе, джюз джууугъум болсун.
- Иги – алгъыш этер, аман – къаргъыш этер.
- Джарлы эскисин джамаса, къууаныр.
- Ашхы болсанг, атынг чыгъар, аман болсанг, джанынг чыгъар.
- Адеб джокъда, намыс джокъ.
- Сакъ юйюне сау барыр.
- Аджалсыз ёлюм болмаз.
- Башы джабылгъан челекге, кир тюшмез.
- Ёлген ийнек сютлю болур.
- Хансыз джомакъ болмаз.
- Чакъырылгъанны аты, чакъырылмагъанны багъасы болур.
- Хар ишни да аллы къыйынды.
- Берекет берсин деген джерде, берекет болур.
- Душманны тышы – акъ, ичи – къара.
- Накъырданы арты керти болур.
- Башланнган иш битер, къымылдагъан тиш тюшер.
- Тюзню ётмеги тюзде къалса да, тас болмаз.
- Гугурук къычырмаса да, тангны атары къалмаз.
- Эки элинги тыйсанг, джети элде махталырса.
- Билген билмегенни юретген адетди.
- Келгинчи, къонакъ уялыр, келгенден сора, къонакъбай уялыр.
- Ёлмесенг да, къарт дамы болмазса?
- Ёксюзню тилеги къабыл болур.
- Ачылгъан эт джабылыр, кёрген кёз унутмаз.
- Къобан да къуру да къобханлай турмайды, адам да къуру да патчахлай турмайды.
- Бойнуму джети джерден кессенг да, мен ол ишни этеллик тюлме.
- Къонакъ болсанг, ийнакъ бол.
- Кийимни бичсенг, кенг бич, тар этген къыйын тюлдю.
- Бети бедерден, намыс сакълама.
- Адамны сабийин сюйген джюреги, бычакъча, джитиди.
- Адебни адебсизден юрен.
- Аманнга да, игиге да оноусуз къатышма.
- Хар сёзню орну барды.
- Сёз сёзню айтдырыр.
- Кесинге джетмегенни, кёб сёлешме.
Фонд содействия развитию карачаево-балкарской молодежи «Эльбрусоид»
© 2003-2019 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
