Аудио :: Аудио:: Нартла - Къарачай-Малкъар нарт джырла бла таурухла

Эртде тургъан бла эртде юйленнген сокъуранмаз.
Нёгер болсанг, тенг бол, тенг болмасанг, кенг бол.
Башланнган иш битер, къымылдагъан тиш тюшер.
Ёзденликни джайгъан – джокълукъ.
Кёл ашады да, кеси ашады.
Таукел адам тау тешер.
Итли къонакъ джарашмаз.
Ашхы болсанг, атынг чыгъар, аман болсанг, джанынг чыгъар.
Къыйынлы джети элни къайгъысын этер.
Ариу джол аджал келтирмез.
Юйюнг бла джау болгъандан эсе, элинг бла джау бол.
Кесинг сынамагъан затны, адамгъа буюрма.
Тёрдеги кюлсе, эшикдеги ышарыр.
Адам сёзге тынгыла, акъыл сёзню ангыла.
Сабий кёргенин унутмаз.
Аз сёлешген, къайгъысыз турур.
Кёз – сюйген джерде, къол – ауругъан джерде.
Харам къарнашдан, халал тенг ашхы.
Ишлегенден, къарагъан уста.
Берекет берсин деген джерде, берекет болур.
Уллу къазанда бишген эт, чий къалмаз.
Башда акъыл болмаса, эки аякъгъа кюч джетер.
Байлыкъдан саулукъ ашхыды.
Танг атмайма десе да, кюн къоярыкъ тюйюлдю.
Джолунга кёре – джюрюшюнг, джагъанга кёре – юлюшюнг.
Иги сеники эсе да, сюйген кесимикин этеме.
Байма, деб да, къууанма, джарлыма, деб да, джылама.
Минг тенг да азды, бир джау да кёбдю.
Эрни эр этерик да, къара джер этерик да, тиширыуду.
Дууулдаса – бал чибин, къонса – къара чибин.
Джан саулукъ бермей, сан саулукъ бермезсе.
Чабакъсыз кёлге къармакъ салгъанлыкъгъа, чабакъ тутмазса.
Огъурлуну сёзю – суу, огъурсузну сёзю – уу.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Шайтан алдады, тюзлюк къаргъады.
Ач келгенни – тойдур, кеч келгенни – къондур.
Джюз элде джюз ёгюзюм болгъандан эсе, джюз джууугъум болсун.
Кёкдеги болмаса, джердегин кёрмейди.
Баш болса, бёрк табылыр.
Суу кетер, таш къалыр.
Рысхы – сют юсюнде кёмюк кибикди.
Эшекге миннген – биринчи айыб, андан джыгъылгъан – экинчи айыб.
Ариу сёз джыланны орнундан чыгъарыр.
Ачыкъ джюрекге джол – ачыкъ.
Баргъанынга кёре болур келгенинг.
Тиширыусуз юй – отсуз от джагъа.
Эллинг бла джау болсанг да, юйюнг бла джау болма.
Насыб бютеу халкъны юлюшюдю.
Къуллукъчума, деб махтанма, къуллукъ – хаух джамчыды!
Булут кёкге джарашыу, уят бетге джарашыу.

Логин:	Регистрация

Пароль:	Забыли пароль?

Запомнить меня

Аудио

Нартла - Къарачай-Малкъар нарт джырла бла таурухла

Скачать

Адрес