Аудио :: Аудио:: Къуран

Этни да ашады, бетни да ашады.
Адеб базарда сатылмаз.
Тилчиден кери бол.
Атлыны ашхысы, ат тизгининден билинир
Эл тойса, тоймагъан, эл къойса, къоймагъан.
Билеги кючлю, бирни джыгъар, билими кючлю, мингни джыгъар.
Тойгъан джерден туугъан джер игиди.
Кёлю джокъну – джолу джокъ.
Ишлерге уял да, ашаргъа табма.
Зар адамны насыбы болмаз.
Ишлегенде эринме, ишде чолакъ кёрюнме.
Ашхы атаны – джашы ашхы, ашхы ананы – къызы ашхы.
Ашын ашагъанынгы, башын да сыйла.
Джигер – джаннга къыйынлыкъ.
Адам сёзге тынгыла, акъыл сёзню ангыла.
Эм ашхы къайын ана мамукъ бла башынгы тешер.
Джашынгы кесинг юретмесенг, джашау юретир.
Ётюрюкню къуйругъу – бир тутум.
Ётген ёмюр – акъгъан суу.
Чакъырылмагъан джерге барма, чакъырылгъан джерден къалма.
Адамны сыфатына къарама, сёзюне къара.
Айран ичген – къутулду, джугъусун джалагъан – тутулду.
Къарт айтханны этмеген, къартаймаз.
Айран тёгюлсе, джугъусу къалыр.
Къонакъ хазыр болгъанлыкъгъа, къонакъбай хазыр тюлдю.
Сакъ юйюне сау барыр.
Аман адам элни бир-бирине джау этер.
Кеси юйюмде мен да ханма.
Кюн кёрмеген, кюн кёрсе, кюндюз чыракъ джандырыр.
«Ма», - дегенни билмесенг, «бер», - дегенни билмезсе.
Игилик игилик бла сингдирилиучю затды.
Чомарт джарлы болмаз.
Билимден уллу байлыкъ джокъду.
Эшекни не къадар тюйсенг да, ат болмаз.
Ашхы адам – халкъ байлыгъы, ашхы джер – джашау байлыгъы.
Аш хазыр болса, иш харам болур.
Садакъачыны джаны – къапчыгъында.
Айраннга суу къош, телиге джол бош.
Джауумдан сора, кюн кюйдюрюр, ётюрюкден сора, айыб кюйдюрюр.
Берекет берсин деген джерде, берекет болур.
Эрине къаргъыш этген къатын, эрнин къабар.
Сёлеш деб шай берген, тохта деб, сом берген.
Кесине гебен этелмеген, биреуге черен эте эди.
Тас болгъан бычакъны сабы – алтын.
Татлы сёз – балдан татлы.
Мухарны эси – ашарыкъда.
Окъугъан озар, окъумагъан тозар.
Экеулен сёлеше тура эселе, орталарына барыб кирме.
Ургъан суудан башынгы сакъла.
Аман киши кеси юйюнде – къонакъ.

Логин:	Регистрация

Пароль:	Забыли пароль?

Запомнить меня

Аудио

Къуран

Скачать

Адрес