Националь...
12 Марта 2012
Кавказские Национальные костюмы
Альбомов - 1
Фотографий - 45
| 10 Мая | 2024 года |
Навигация
- Кёзюнде тереги болгъан, чёбю болгъаннга кюле эди.
- Ат да турмайды бир териде.
- Игилик игилик бла сингдирилиучю затды.
- Дженгил джетерикме деб, узун джолну къоюб, къысхасын барма.
- Эски джаугъа ышанма.
- Къазанчы аман болса, къазаны къайнамаз.
- Къызын тута билмеген, тул этер, джашын тута билмеген, къул этер.
- Кечеси – аяз, кюню – къыш, джарлы къаргъагъа бир аш тюш!
- Терек ауса, отунчу – кёб.
- Эшекге миннген – биринчи айыб, андан джыгъылгъан – экинчи айыб.
- Сабийликде юретмесенг, уллу болса – тюзелмез.
- Олтуруб кёрюнмей эди да, ёрге туруб кёрюне эди.
- Кёл ашады да, кеси ашады.
- Ёгюзню мюйюзлери ауурлукъ этмейдиле.
- Эр сокъур болсун, къатын тилсиз болсун.
- Сёз сёзню айтдырыр.
- Хоншуну тауугъу къаз кёрюнюр, келини къыз кёрюнюр.
- Къонагъы джокъну – шоху джокъ.
- Адеб джокъда, намыс джокъ.
- Мал ёлсе, сюек къалыр, адам ёлсе, иши къалыр.
- Тешик этген тынчды, аны джамагъан къыйынды.
- Суу да къайтады чыкъгъан джерине.
- Аш кетер да бет къалыр.
- Къайгъыны сюйген, къайгъы табар.
- Арыгъан къош чамчы болур.
- Уясында не кёрсе, учханында аны этер.
- Кёзю сокъурдан – къоркъма, кёлю сокъурдан – къоркъ.
- Аманнга да, игиге да оноусуз къатышма.
- Башы ишлегенни, ауузу да ишлер.
- Мухардан ач ычхынмаз.
- Джаз бир кюнню джатсанг, къыш талай кюнню абынырса.
- Чабакъсыз кёлге къармакъ салгъанлыкъгъа, чабакъ тутмазса.
- Къанны къан бла джуума, аманны аман бла къуума.
- Чомарт къолда мал къалмаз.
- Тилчиден кери бол.
- Джырчы джырчыгъа – къарнаш.
- Кёбден умут этиб, аздан къуру къалма.
- Ашын ашагъанынгы, башын да сыйла.
- Эр абынмай, эл танымаз.
- Адамны сабийин сюйген джюреги, бычакъча, джитиди.
- Эки къатын алгъан – эки ташны ортасына башын салгъан.
- Айран ичген – къутулду, джугъусун джалагъан – тутулду.
- Эл ауузу – элия.
- Ким бла джюрюсенг, аны кёзю бла кёрюнюрсе.
- Алтыннга тот къонмаз.
- Аджалсыз ёлюм болмаз.
- Нарт сёз – тилни бети.
- Ашхы атаны – джашы ашхы, ашхы ананы – къызы ашхы.
- Билимли ёлмез, билимсиз кёрмез.
- Юреннген ауруу къалмаз.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
