|
|||||||||||||||
Эльбрусоиды
Функционал друзей выключен.
Группы - 0
- Нет групп
| 26 Января | 2021 года |
Навигация
- «Ёгюз, джаргъа джууукъ барма, меннге джюк боллукъса», - дегенди эшек.
- Экеулен сёлеше тура эселе, орталарына барыб кирме.
- Ишни ахырын ойламай, аллын башлама.
- Къатын байлыкъны сюер, эр саулукъну сюер.
- Адамны джюреги нени кёрюрге сюйсе, кёзю да аны кёрюрге ёч болады.
- Эки къатын алгъан – эки ташны ортасына башын салгъан.
- Къралынгы – душмандан, башынгы от бла суудан сакъла.
- Байлыкъ тауусулур, билим тауусулмаз.
- Къаллай салам берсенг, аллай джууаб алырса.
- Къууут – джелге, берне – бошха.
- Ойнаб айтсанг да, эслеб айт.
- Джюрек кёзден алгъа кёрюр.
- Тил – кесген бычакъ, сёз – атылгъан окъ.
- Чакъырылмагъан къонакъ – орунсуз.
- Джашлыкъ этмеген, башлыкъ этмез.
- Адам туугъан джеринде, ит тойгъан джеринде.
- Тилчиден кери бол.
- Киштикге къанат битсе, чыпчыкъ къалмаз эди.
- Ишленмеген джаш – джюгенсиз ат, ишленмеген къыз – тузсуз хант.
- Ауругъанны сау билмез, ач къарынны токъ билмез.
- Джуртун къоругъан озар.
- Атадан ёксюз – бир ёксюз, анадан ёксюз – эки ёксюз.
- Онгсузну – джакъла, тенгликни – сакъла.
- Кёб джашагъан – кёб билир.
- Кёлю джокъну – джолу джокъ.
- Билимли ёлмез, билимсиз кёрмез.
- Къазанны башы ачыкъ болса, итге уят керекди.
- Джарлы эскисин джамаса, къууаныр.
- Чомартха Тейри да борчлуду.
- Уллу атлама – абынырса, уллу къабма – къарылырса.
- Кесинг сынамагъан затны, адамгъа буюрма.
- Уясында не кёрсе, учханында аны этер.
- Кимни – тили, тиши онглу, кимни – къолу, иши онглу.
- Ёпкелегенни ашы татлы болады.
- Керек ташны ауурлугъу джокъ.
- Айтхан – тынч, этген – къыйын.
- Башсыз урчукъ тюзюне айланмаз.
- Аджашхан тёгерек айланыр.
- Ач бёрюге мекям джокъ.
- Къан бла кирген, джан бла чыгъар.
- Кюлме джашха – келир башха.
- Эки элинги тыйсанг, джети элде махталырса.
- Эрни эр этерик да, къара джер этерик да, тиширыуду.
- Аз сёлеш, кёб ишле.
- Сакъламагъан затынга джолукъсанг, не бек къууанаса, не бек ачыйса.
- Къарнынг бла ёч алма.
- Келлик заман – къартлыкъ келтирир, кетген заман – джашлыкъ ёлтюрюр.
- Джюрекге ариу – кёзге да ариу.
- Кёзюнде тереги болгъан, чёбю болгъаннга кюле эди.
- Элге къуллукъ этмеген, элге ие болмаз.
Фонд содействия развитию карачаево-балкарской молодежи «Эльбрусоид»
© 2003-2021 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
