| 31 Января | 2023 года |
Навигация
- Экиндини кеч къылсанг, чабыб джетер ашхам.
- Джюрекге ариу – кёзге да ариу.
- Байлыкъ келсе, акъыл кетер.
- Аман киши кеси юйюнде – къонакъ.
- Зар адам ашынгы ашар, кесинги сатар.
- Бир абыннган – минг сюрюнюр.
- Иши джокъну, сыйы джокъ.
- Иесиз малны бёрю ашар.
- Узун джолну барсанг, бюгюн келирсе, къысха джолну барсанг, тамбла келирсе.
- Окъумагъан сокъурду, сокъур ташха абыныр!
- Уллу къазанда бишген эт, чий къалмаз.
- Эки ойлашыб, бир сёлешген.
- Ариу – кёзге, акъыл – джюрекге.
- Ач – эснер, ат – кишнер.
- Ашхы – джыяр, аман – джояр.
- Ауузу аманнга «иги», деме.
- Къолунгдан къуймакъ ашатсанг да, атаны борчундан къутулмазса.
- Кимни – тили, тиши онглу, кимни – къолу, иши онглу.
- Тойгъанлыкъ къойгъа джарашады.
- Кёб къычыргъандан – къоркъма, тынч олтургъандан – къоркъ.
- Мал ёлсе, сюек къалыр, адам ёлсе, иши къалыр.
- Тас болгъан бычакъны сабы – алтын.
- Адамны сыфатына къарама, сёзюне къара.
- Уллу сёзде уят джокъ.
- Ёксюзню къалачы уллу кёрюнюр.
- Айтхан сёзюне табылгъан.
- Намыс сатылыб алынмайды.
- Билим ат болуб да чабар, къуш болуб да учар.
- Къарын къуру болса, джюрек уру болур.
- Керек ташны ауурлугъу джокъ.
- Чомартха Тейри да борчлуду.
- Агъач халкъгъа алтынды, иссиликге салкъынды.
- Ашлыкъны арба юйге келтирир, чана базаргъа элтир.
- «Ёгюз, джаргъа джууукъ барма, меннге джюк боллукъса», - дегенди эшек.
- Телини эшигин, махтау джабар.
- Ойнай билмеген, оюн бузар.
- Аллахха ийнаннган кишини, Аллах онгдурур ишин.
- Тил – кесген бычакъ, сёз – атылгъан окъ.
- Ач да бол, токъ да бол – намысынга бек бол.
- Суу ичген шауданынга тюкюрме.
- Ишленмеклик адамлыкъды.
- Къартны сыйын кёрмеген, къартлыгъында сыйлы болмаз.
- Аз айтсам, кёб ангылагъыз.
- Ёгюзню мюйюзлери ауурлукъ этмейдиле.
- Чабакъсыз кёлге къармакъ салгъанлыкъгъа, чабакъ тутмазса.
- Соргъан айыб тюлдю, билмеген айыбды.
- Чоюнну башы ачыкъ болса, итге уят керекди.
- Адамны джюреги нени кёрюрге сюйсе, кёзю да аны кёрюрге ёч болады.
- Азыкълы ат арымаз, къатыны аман джарымаз.
- Шекер бла туз – бир болмаз, ушамагъан – юй болмаз.
