| 22 Марта | 2023 года |
Навигация
- Арба аугъандан сора, джол кёргюзтюучю кёб болур.
- Келгинчи, къонакъ уялыр, келгенден сора, къонакъбай уялыр.
- Джангыз терек къынгыр ёсер.
- Атынг аманнга чыкъгъандан эсе, джанынг тамагъынгдан чыкъсын.
- Ойнай-ойнай кёз чыгъар.
- Босагъагъа джууукъ орун болса, ашыгъыб тёрге озма.
- Ишге юренсин къоллары, халкъ бла болсун джоллары.
- Терслик кетер, тюзлюк джетер.
- Ач келгенни – тойдур, кеч келгенни – къондур.
- Билмегенинги, билгеннге сор.
- Ётген ёмюр – акъгъан суу.
- Дуния аламаты сен эсенг да, игиме деб айтма.
- Кёкдеги болмаса, джердегин кёрмейди.
- Сакъалы текени да бар, мыйыгъы киштикни да бар.
- Эли джокъну – кёлю джокъ.
- Сакъ юйюне сау барыр.
- Арпа, будай – ащды, алтын, кюмюш а – ташды.
- Тюкюрюк баш джармаз, налат кёз чыгъармаз!
- Мухарны эси – ашарыкъда.
- Сакъламагъан затынга джолукъсанг, не бек къууанаса, не бек ачыйса.
- Оюмсуз атлагъан, аджалсыз ёлюр.
- Абынмазлыкъ аякъ джокъ, джангылмазлыкъ джаякъ джокъ.
- Айырылгъанланы айю ашар, бёлюннгенлени бёрю ашар.
- Аллахдан тилесенг, кёб тиле.
- Кимни – тили, тиши онглу, кимни – къолу, иши онглу.
- Ашда – бёрю, ишде – ёлю.
- Чакъырылмагъан къонакъ къачан кетерин сормаз.
- Азыгъы аз, алгъа къабар, аты аман, алгъа чабар.
- Нёгерсизни джолу узун.
- Уллу айтханны этмеген – уллаймаз.
- Тил бла келеди джыр да.
- Къарнынг ауруса, ауузунгу тый
- Сёлеш деб шай берген, тохта деб, сом берген.
- Келинни – келгинчи, бёркню кийгинчи кёр.
- Уллу къашыкъ эрин джыртар.
- Ёгюзню мюйюзюнден тутадыла, адамны сёзюнден тутадыла.
- Адам сёзюнден белгили.
- Халкъны джырын джырласанг, халкъ санга эжиу этер.
- Эл тойса, тоймагъан, эл къойса, къоймагъан.
- Айран ичген – къутулду, джугъусун джалагъан – тутулду.
- Хунаны тюбюн къазсанг, юсюнге ауар.
- Шайтан алдады, тюзлюк къаргъады.
- Джангызны оту джарыкъ джанмаз!
- Байлыкъдан саулукъ ашхыды.
- Алтыннга тот къонмаз.
- Адам туугъан джеринде, ит тойгъан джеринде.
- Къуллукъчума, деб махтанма, къуллукъ – хаух джамчыды!
- Ата Джуртча джер болмаз, туугъан элча эл болмаз.
- Джарлы джети элни сёзюн этер.
- Аманнга игилик этсенг, юйюнге сау бармазса.
