Расширенный поиск
30 Мая  2020 года
Логин: Регистрация
Пароль: Забыли пароль?
  • Азыгъы аз, алгъа къабар, аты аман, алгъа чабар.
  • Намыс болмагъан джерде, насыб болмаз.
  • Агъач халкъгъа алтынды, иссиликге салкъынды.
  • Джылар джаш, атасыны сакъалы бла ойнар.
  • Кийимни бичсенг, кенг бич, тар этген къыйын тюлдю.
  • Сабий кёргенин унутмаз.
  • Адамны аманы адамны бети бла ойнар.
  • Алма терегинден кери кетмез.
  • Урама да – ёледи, сатама да – келеди.
  • Кюлме джашха – келир башха.
  • Окъугъан озар, окъумагъан тозар.
  • Къан бла кирген, джан бла чыгъар.
  • Намысы джокъну – дуниясы джокъ.
  • Ханнга да келеди хариблик.
  • Хунаны тюбюн къазсанг, юсюнге ауар.
  • Аурууну келиую тынч, кетиую – къыйын.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Рысхы – насыбха къор.
  • Аманнга да, игиге да оноусуз къатышма.
  • Уллу къазанда бишген эт, чий къалмаз.
  • Аман къатын алгъан, арыр, иги къатын алгъан джарыр.
  • Чакъырылмагъан джерге барма, чакъырылгъан джерден къалма.
  • Ишни аллы бла къууанма да, арты бла къууан.
  • Ата Джуртун танымагъан, атасын да танымаз.
  • Джылыгъа джылан илешир.
  • Ауузу бла къуш тута айланады.
  • Башсыз урчукъ тюзюне айланмаз.
  • Къарыусузгъа кюлме, онгсузгъа тийме.
  • Джарлыны тону джаз битер.
  • Чабакъсыз кёлге къармакъ салгъанлыкъгъа, чабакъ тутмазса.
  • Тай асырагъан, атха минер.
  • Керилген да, ургъан кибикди.
  • Окъугъан – асыу, окъумагъан – джарсыу.
  • Ана кёлю – балада, бала кёлю – талада.
  • Халкъны юйю – туугъан джери.
  • Къайгъыны сюйген, къайгъы табар.
  • Ётюрюкден тюбю джокъ, кёлтюрюрге джиби джокъ.
  • Тешик этген тынчды, аны джамагъан къыйынды.
  • Байлыкъдан саулукъ ашхыды.
  • Гугурук къычырмаса да, тангны атары къалмаз.
  • Кечеси – аяз, кюню – къыш, джарлы къаргъагъа бир аш тюш!
  • Аджашхан тёгерек айланыр.
  • Чомартха хар кюн да байрамды.
  • Намысы болмагъанны, сыйы болмаз.
  • Адеб базарда сатылмаз.
  • Къарнынг бла ёч алма.
  • Артына баргъанны, къатына барма.
  • Башланнган иш битер, къымылдагъан тиш тюшер.
  • Адамны джюреги нени кёрюрге сюйсе, кёзю да аны кёрюрге ёч болады.
  • Миллетни бойну – базыкъ, аны бла кюрешген – джазыкъ.

 

 

Популярные Блоги

Сейчас обсуждают