Расширенный поиск
21 Мая  2019 года
Логин: Регистрация
Пароль: Забыли пароль?
  • Гугурук къычырмаса да, тангны атары къалмаз.
  • Эрине къаргъыш этген къатын, эрнин къабар.
  • Джолда аягъынга сакъ бол, ушакъда тилинге сакъ бол.
  • Окъ къызбайны джокълайды.
  • Алтыннга тот къонмаз.
  • Аманнга да, игиге да оноусуз къатышма.
  • Къыз тиширыу кеси юйюнде да къонакъды.
  • Джумушакъ терекни къурт ашар.
  • Аллахдан тилесенг, кёб тиле.
  • Ачлыкъ отха секиртир.
  • Ачыу алгъа келсе, акъыл артха къалады.
  • Хунаны тюбюн къазсанг, юсюнге ауар.
  • Тёрде – темир таякълы, къаяда – чыпчыкъ аякълы.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Ёлген ийнек сютлю болур.
  • Джети тилни билген джети кишиди.
  • Босагъагъа джууукъ орун болса, ашыгъыб тёрге озма.
  • Юй кюйдю да, кюйюз чыкъды, ортасындан тюйюш чыкъды.
  • Босагъа таш юйге кирмей эди, тыбыр таш эшикге чыкъмай эди.
  • Нарт сёз къарт болмаз.
  • Малны кют, джерни тюрт.
  • Байлыкъ адамны сокъур этер.
  • Къайгъыны сюйген, къайгъы табар.
  • Сагъыш – къартлыкъгъа сюйюмчю.
  • Булут кёкге джарашыу, уят бетге джарашыу.
  • Къартны бурнун сюрт да, оноугъа тут.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Тёгюлген тюгел джыйылмайды.
  • Ашда – бёрю, ишде – ёлю.
  • Ханы къызы буюгъа-буюгъа киштик болду.
  • Термилгенинги табмазса, кюлгенинге тюберсе.
  • Кёб джат да, бек чаб.
  • Джогъун бар этген, барын бал этген.
  • Къая джолда джортма, ачыкъ сёзден къоркъма.
  • Кютгени беш эчки, сызгъыргъаны уа, джерни джарады.
  • Чабар ат – джетген къыз.
  • Хата – гитчеден.
  • Тюз сёз баргъан сууну тыяр.
  • Сабийни джумушха джибер да, ызындан бар.
  • Тёзген – тёш ашар!
  • Адамны артындан къара сабан сюрме.
  • Ашыкъгъан cуу, тенгизге джетмез.
  • Ата – билек, ана – джюрек!
  • Байма, деб да, къууанма, джарлыма, деб да, джылама.
  • Рысхысына кёре, джаш ёсер, къышлыгъына кёре, мал ёсер.
  • Ата Джуртуму башы болмасам да, босагъасында ташы болайым.
  • Уруну арты – къуру.
  • Уллу къазанда бишген эт, чий къалмаз.
  • Дуния мал дунияда къалады.
  • Игилик игилик бла сингдирилиучю затды.

Популярные Блоги

Облако тегов