| 9 Мая | 2025 года |
Навигация
- Олтуруб кёрюнмей эди да, ёрге туруб кёрюне эди.
- Хар зат кесини орнуна иги.
- Халкъгъа джарагъан, джарлы къалмаз.
- Къая джолда джортма, ачыкъ сёзден къоркъма.
- Къанны къан бла джуума, аманны аман бла къуума.
- Байлыкъ адамны сокъур этер.
- Тилчиден кери бол.
- Бозаны арты дауур болур.
- Ханы къызы буюгъа-буюгъа киштик болду.
- Къоркъакъны кёзю экили кёрюр.
- Къазанда болса, чолпугъа чыгъар.
- Бек анасы джыламаз.
- Ач, тоймам, дейди, тойгъан, ач болмам, дейди.
- Гитче джилтин уллу элни джандырыр.
- Ишни ахырын ойламай, аллын башлама.
- Ашлыкъ – бюртюкден, джюн – тюкден.
- Садакъачыны джаны – къапчыгъында.
- Арбаз сайлама да, хоншу сайла.
- Мал тутхан – май джалар.
- Ашына кёре табагъы, балына кёре къалагъы.
- Къарнынг ауруса, ауузунгу тый
- Адеб базарда сатылмаз.
- Асхат ашлыкъ сата, юйдегиси ачдан къата.
- Чакъырылмай келген къонакъ сыйланмай кетер.
- Джаралыны джастыгъында сау ёлюр.
- Тилсиз миллет джокъ болур.
- Аджаллыгъа окъсуз шкок атылыр.
- Эки итни арасына сюек атма, эки адамны арасында сёз чыгъарма.
- Терек ауса, отунчу – кёб.
- Термилгенинги табмазса, кюлгенинге тюберсе.
- Джылыгъа джылан илешир.
- От этилмеген джерден тютюн чыкъмайды.
- Адамны бетине къарама, адетине къара.
- Тамырсыз терекге таянма – джыгъылырса.
- Адамны сыфатына къарама, сёзюне къара.
- Ёлмесенг да, къарт дамы болмазса?
- Къарт айтханны этмеген, къартаймаз.
- Тилчи тилден къаныкъмаз.
- Эки элинги тыйсанг, джети элде махталырса.
- Сагъышы джокъ – джукъучу, акъылы джокъ – къаугъачы.
- Ачыкъ джюрекге джол – ачыкъ.
- Чёбню кёлтюрсенг, тюбюнден сёз чыгъар.
- Тик ёргени, тик энгишгеси да болады.
- Таякъ этден ётер, тил сюекден ётер.
- Акъылсызны джууукъгъа алма, акъыллыны кенгнге салма.
- Къарнынг бла ёч алма.
- Тёрде – темир таякълы, къаяда – чыпчыкъ аякълы.
- Къартха ушагъан джаш – акъыллы, джашха ушагъан къарт – тели.
- Ата Джуртуму башы болмасам да, босагъасында ташы болайым.
- Тулпарлыкъ, билекден тюл – джюрекден.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
