- Окъугъан – асыу, окъумагъан – джарсыу.
- Къуллукъчума, деб махтанма, къуллукъ – хаух джамчыды!
- Ач да бол, токъ да бол – намысынга бек бол.
- Аз сёлешген, къайгъысыз турур.
- Кеси юйюмде мен да ханма.
- Кечеси – аяз, кюню – къыш, джарлы къаргъагъа бир аш тюш!
- Намыс сатылыб алынмайды.
- Ёлюк кебинсиз къалмаз.
- Элге къуллукъ этмеген, элге ие болмаз.
- Хаухну атма, ёнгкючню сатма.
- Аллахдан тилесенг, кёб тиле.
- Эшекни не къадар тюйсенг да, ат болмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ётюрюкден тюбю джокъ, кёлтюрюрге джиби джокъ.
- Ёлюр джаннга, ёкюл джокъ.
- Сабийликде юретмесенг, уллу болса – тюзелмез.
- Башда акъыл болмаса, эки аякъгъа кюч джетер.
- Ауругъанны сау билмез, ач къарынны токъ билмез.
- Акъылсызны джууукъгъа алма, акъыллыны кенгнге салма.
- Ашыкъгъанны этеги бутуна чырмалыр.
- Байлыкъ болгъан джерде, тынчлыкъ джокъду.
- Ач, тоймам, дейди, тойгъан, ач болмам, дейди.
- Хар зат кесини орнуна иги.
- Тамырсыз терекге таянма – джыгъылырса.
- Ашхы атаны – джашы ашхы, ашхы ананы – къызы ашхы.
- Ёпкелегенни ашы татлы болады.
- Аман къатын алгъан, арыр, иги къатын алгъан джарыр.
- Къоркъакъны кёзю экили кёрюр.
- Магъанасыз сёз – тауушсуз сыбызгъы.
- Сабийни джумушха джибер да, ызындан бар.
- Аманны эки битли тону болур, бирин сеннге кийдирир, бирин кеси киер.
- Аджашханны ызындагъы кёреди, джангылгъанны джанындагъы биледи.
- Джыланны къуйругъундан басарынг келсе, аны башы болгъанын унутма.
- Къонагъы джокъну – шоху джокъ.
- Адеб джокъда, намыс джокъ.
- Суугъа – чабакъ, къаягъа – ыргъакъ.
- Эрни эр этерик да, къара джер этерик да, тиширыуду.
- Битмегеннге сакъал – танг.
- Этни бети бла шорпасы.
- Акъыллы айтыр эди, акъылсыз къоймайды.
- Ойнай билмеген, оюн бузар.
- Къызын тута билмеген, тул этер, джашын тута билмеген, къул этер.
- Aдам боллукъ, сыфатындан белгили.
- Ёмюрлюк шохлукъну джел элтмез.
- Кёзню ачылгъаны – иги, ауузну джабылгъаны – иги.
- Айтхан сёзюне табылгъан.
- Зар адам ашынгы ашар, кесинги сатар.
- Ётюрюк хапар аякъ тюбю бла джюрюйдю.
- Байдан умут эте, джарлыдан ёгюз багъасы къорады.
- Киштикге къанат битсе, чыпчыкъ къалмаз эди.
Внимание!
Чат доступен только авторизованным пользователям.