Навигация

Elbrusoid.org

Словарь

Кечеси – аяз, кюню – къыш, джарлы къаргъагъа бир аш тюш!
Джаз бир кюнню джатсанг, къыш талай кюнню абынырса.
Хар адамгъа кеси миннген тау кибик.
Джарлы эскисин джамаса, къууаныр.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Сёз къанатсыз учар.
Ата – билек, ана – джюрек!
Таякъ этден ётер, тил сюекден ётер.
Джаралыны джастыгъында сау ёлюр.
Ашда уялгъан – мухар, ишде уялгъан – хомух.
Аджалсыз ёлюм болмаз.
Къолунгдан къуймакъ ашатсанг да, атаны борчундан къутулмазса.
Ишни ахырын ойламай, аллын башлама.
Кёбге таш атма.
Акъыл неден да кючлюдю.
Кёзю сокъурдан – къоркъма, кёлю сокъурдан – къоркъ.
Тёрдеги кюлсе, эшикдеги ышарыр.
Ашатыргъа иш – ашхы, ишлетирге аш – ашхы.
Эл ауузу – элия.
Айырылмаз джууугъунга, унутмаз сёзню айтма.
Тели турса – той бузар.
Болджал ишни бёрю ашар.
Экеулен сёлеше тура эселе, орталарына барыб кирме.
Къайтырыкъ эшигинги, къаты уруб чыкъма.
Юйюнг бла джау болгъандан эсе, элинг бла джау бол.
Чарсда алчыны эл кёреди.
Атынг аманнга чыкъгъандан эсе, джанынг тамагъынгдан чыкъсын.
Рысхы джалгъанды: келген да этер, кетген да этер.
Къарын къуру болса, джюрек уру болур.
Телини эшигин, махтау джабар.
Тенгни тенглиги джашай барсанг билинир.
Эки ойлашыб, бир сёлешген.
Билгенни къолу къарны джандырыр.
Кёл – къызбай, къол – батыр.
Тай асырагъан, атха минер.
Къазанчы аман болса, къазаны къайнамаз.
Ач уят къоймаз.
Олтуруб кёрюнмей эди да, ёрге туруб кёрюне эди.
Аманнга алтын чыдамаз.
Бичгенде ашыкъма, тикгенде ашыкъ.
Джылар джаш, атасыны сакъалы бла ойнар.
Ашыкъгъан cуу, тенгизге джетмез.
Ачлыкъ отха секиртир.
Юреннген ауруу къалмаз.
Тёрени джагъы джокъ.
Шайтан алдады, тюзлюк къаргъады.
Ана къойну – балагъа джандет.
Татлы сёз – балдан татлы.
Джарлы джети элни сёзюн этер.
Тойгъа барсанг, тоюб бар, эски тонунгу къоюб бар.