tanzi.hochueva / Альбомы пользователей / tanzi.hochueva
| 20 Мая | 2024 года |
Навигация
- Байны оноуу, джарлыгъа джарамаз.
- Зар адамны насыбы болмаз.
- Таукел къуру къалмаз.
- Джашлыкъ этмеген, башлыкъ этмез.
- Билеги кючлю, бирни джыгъар, билими кючлю, мингни джыгъар.
- Аз сёлешген, къайгъысыз турур.
- Кийимни бичсенг, кенг бич, тар этген къыйын тюлдю.
- Окъдан джара эртде-кеч болса да бителир, сёз джара, ёмюрге къалыр.
- Тёзгеннге, джабылгъан эшик ачылыр.
- Джашны джигитлиги сорулур, къызны джигерлиги сорулур.
- Ойнай-ойнай кёз чыгъар.
- Байлыкъдан саулукъ ашхыды.
- Аман къатын алгъан, арыр, иги къатын алгъан джарыр.
- Окъугъанны бети джарыкъ.
- Ач да бол, токъ да бол – намысынга бек бол.
- Башы джабылгъан челекге, кир тюшмез.
- Ишни аллы бла къууанма да, арты бла къууан.
- Къонагъы джокъну – шоху джокъ.
- Ашлыкъ – бюртюкден, джюн – тюкден.
- Адамны сыфатына къарама, сёзюне къара.
- Сабийликде юретмесенг, уллу болса – тюзелмез.
- Байлыкъ келсе, акъыл кетер.
- Сабыр джетер муратха, сабырсыз къалыр уятха.
- Ишин билген, аны сыйын чыгъарады.
- Ашына кёре табагъы, балына кёре къалагъы.
- Къарнынг бла ёч алма.
- От кюйдюрген, сау болса да, тот кюйдюрген, сау болмаз.
- Битмегеннге сакъал – танг.
- Тёрдеги кюлсе, эшикдеги ышарыр.
- Арыгъан къош чамчы болур.
- Ана къойну – балагъа джандет.
- Керти сёзге тёре джокъ.
- Къартны бурнун сюрт да, оноугъа тут.
- Чомартха хар кюн да байрамды.
- Мал тутхан – май джалар.
- Къарын къуру болса, джюрек уру болур.
- Келинни – келгинчи, бёркню кийгинчи кёр.
- Ишге юренсин къоллары, халкъ бла болсун джоллары.
- Билимли ёлмез, билимсиз кёрмез.
- Тамбла алтындан бюгюн багъыр ашхы.
- Окъугъан озар, окъумагъан тозар.
- Тойчу джашха къарама, къойчу джашха къара.
- Юйюнгден чыкъдынг – кюнюнгден чыкъдынг.
- Таш бла ургъанны, аш бла ур.
- Келлик заман – къартлыкъ келтирир, кетген заман – джашлыкъ ёлтюрюр.
- Накъырданы арты керти болур.
- Билимсиз иш бармаз.
- Кюн кёрмеген, кюн кёрсе, кюндюз чыракъ джандырыр.
- Адам сёзюнден белгили.
- Эри аманны, къатыны – аман.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
