Не найдено
Форум Мобильный | Стационарный
| 30 Мая | 2024 года |
Навигация
- Азыгъы аз, алгъа къабар, аты аман, алгъа чабар.
- Эринчекге кюн узун.
- Эринчекни аурууу – кёб.
- Эрине къаргъыш этген къатын, эрнин къабар.
- Келинин тута билмеген, къул этер, къызын тута билмеген, тул этер.
- Къартха ушагъан джаш – акъыллы, джашха ушагъан къарт – тели.
- Джаш болсун, къыз болсун, акъылы, саны тюз болсун.
- Эри аманны, къатыны – аман.
- Ёлген эшек бёрюден къоркъмайды.
- Ёгюзню мюйюзюнден тутадыла, адамны сёзюнден тутадыла.
- Иши джокъну, сыйы джокъ.
- Хар зат кесини орнуна иги.
- Сабыр джетер муратха, сабырсыз къалыр уятха.
- Эринчекни эр алмаз, эр алса да, кёл салмаз, кёл салса да, кёб бармаз!
- Эр сокъур болсун, къатын тилсиз болсун.
- Билим къая тешер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ушамагъан – джукъмаз.
- Хар ишни да аллы къыйынды.
- Эр абынмай, эл танымаз.
- Ат да турмайды бир териде.
- Адамны артындан къара сабан сюрме.
- Тёзгеннге, джабылгъан эшик ачылыр.
- Адеби болмагъан къыз – тузсуз хант.
- Джашны джигитлиги сорулур, къызны джигерлиги сорулур.
- Къарт бла баш аша, джаш бла аякъ аша.
- Тура эдим джата, къайдан чыкъды хата?
- Эл ауузу – элия.
- Тойгъа барсанг, тоюб бар, эски тонунгу къоюб бар.
- Тёрде – темир таякълы, къаяда – чыпчыкъ аякълы.
- Айырылгъанланы айю ашар, бёлюннгенлени бёрю ашар.
- Абынмазлыкъ аякъ джокъ, джангылмазлыкъ джаякъ джокъ.
- Олтуруб кёрюнмей эди да, ёрге туруб кёрюне эди.
- Экеулен сёлеше тура эселе, орталарына барыб кирме.
- Иги бла джюрюсенг, джетерсе муратынга, аман бла джюрюсенг, къалырса уятха.
- Берекет берсин деген джерде, берекет болур.
- Эркиши – от, тиширыу – суу.
- Ёлюк кебинсиз къалмаз.
- Тюзлюк шохлукъну бегитир.
- Экеу тутушса, биреу джыгъылыр.
- Джигер – джаннга къыйынлыкъ.
- Сютню башын джалагъан къутулур, тюбюн ичген тутулур.
- Джолда аягъынга сакъ бол, ушакъда тилинге сакъ бол.
- Къатын байлыкъны сюер, эр саулукъну сюер.
- Таула не мийик болсала да, аууш табылыр.
- Дженгил джетерикме деб, узун джолну къоюб, къысхасын барма.
- Зар адамны насыбы болмаз.
- Хар сёзню орну барды.
- Айныгъанлы алты кюн, тогъайгъанлы тогъуз кюн.
- Аджаллыгъа окъсуз шкок атылыр.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
