Цитата |
---|
Тылмач пишет:
Azret Botashev , юйдегисинден юсюнден сагъыш эте билмегенле джаш, къарт болсала да уллу тюрленирик болмазла (кёбюсюне). Кюрешиб, болгъан къарыуун къуру той ачхагъа берген адамны андан ары джашарча ачхасы болмаса, керекди аллай бир ачха джыйыб кюрешгени. Огъесе андан ары да джашарча ачхасы бармыды хар бир кюёуню тинтирге деймисе...
Сора, кёб ачха джыялгъан адаммыды джазгъан аламат генли адам? Ачханы къаллай джолла бла этгенине къараргъа керек болмаймыды? Къалай этсе да этсин, кёб ачхасы болсунму дейсе? Алай тюл эсе, хар бир адамны къаллай джол бла ачха этгенин да тинтирге керек боллукъду, ол да тынч ишмиди?
Ачха этерге кюрешмеген, юйленелмеген адам ким биледи къаллай джоллагъа, къаллай хаулелеге тюшюб къалыргъа болур. Бир къауумла дженгил огъуна юйленмесе, динден да уллу хапарлыла тюл эселе хар тюрлю харамгъа тюшгенден кесин тыялмай къалыргъа. Неда башха миллетле бла юйлениб къалыргъа огъай болмагъанла чыгъарла иги кесек.
Адамла аллай тюрлю генетикала айырыула бек ушагъыулу сёзле тюлдюле.
Миллетни ишлерге, юйдегисини юсюнден къайгъырыргъа, аны кибик башха тюз затлагъа юретирге кюреширге, ансы аллай тюрлю-мюрлю хар кюн къурала адетле джабышыб турургъа тюл...
|
юйдегиленгеринден алгъа эркиши джашауда таукел атларгъа юренирге керекти. бир заманда ачхасы болгъаны бла болмагъаны себеб тюлдю, бютеу джашауунда ачха этерге, джашауун эм юйдегисин бардырыргъа юренирге керекти дейме. Асры джашлай юйлениб, сюйеги эм мыйысы битиб бошамагъанлай эм чурумуна да хазна хазырланмагъанлай эм хазырланыргъа кереклиги болмагъанлай юйдегиленгени иги тюлдю дейме.
Хауле айлангны юсюнден да асыры ауур эм бюсюреусюз сагъыш этедиле бусугъатда. Эркиши, башлы эм джигер айланганны тохтарыкъ тюлдю. киши башха тюрлю сагъыш эте эсе кесин алдамасын. Алай а айланганны тышында кеси этерге керекли затланы эте эсе, ол бириси, эталмай эсе - ол бютюн башха джууаб эм себеб болады.
Къарайчайда бир иги сез барды "къан бла кирген джан бла чыгъады", ата бабаларыбыздан келген сездю, ол къарангы заманлада миллетибиз англагъан билимлени бусагъатда джангы дунианы эм юлгюлю алимлери да бирге келирилген эсе, адам къулакъха ушагъуусуз эштилгени ючюн нек тынгларгъа керекбиз? заманны артына бурургъа мы излейбиз? Генетикада тюз айтады, миллетибизда тюз айтады "къан бла кирген джан бла чыгъады" "атагъа къараб джашха бар, анагъа къараб къызны ал", "гылыу бла тайны бир гаптеште тутсунгда, бири ат боллукъту, бириси да эшек боллукъту". ким эседа джаратырыкъ тюлдю деб миллетими эм алимлени билимлерин унутургъа мы керекти?
Ишлерге юретиге керекти, билимлеге юретирге керекти, джангы билимлени англаргъа билирге эм ишинде бла джашауунда хайырланыргъа юретирге керекти. Тюзлюкге тырмашыргъе юретирге керекти. кимни эседа джюрегине тийерге къормазгъа юретирге керекти.
Джангыдан айтайым -чурумну этерге ачхасы джетмегенге чурум керек тюлдю, ол не юйдегисин, не кесини башын не джаудан не джаланнгачдан къоруулаялыкъ тюлдю. не сабийин сыйлы не бийчесин токъ да туталлыкъ тюлдю.